Rasululloh ﷺ odamlarga xutba qilib: «Albatta Alloh bir bandani dunyo bilan oʻz huzuridagi narsa orasida ixtiyorli qildi (tanlovni berdi), shunda u banda Allohning huzuridagi narsani tanladi», dedilar. (Rovi aytadi:) Shunda Abu Bakr yigʻladi. Biz uning yigʻlaganidan hayratlandik, Rasululloh ﷺ ixtiyor berilgan bir banda haqida xabar berayotgan boʻlsalar (nega yigʻlaydi deb). Aslida oʻsha ixtiyor berilgan zot Rasululloh ﷺning oʻzlari edilar va Abu Bakr bizning eng bilimdonimiz edi. Rasululloh ﷺ: «Albatta odamlar orasida menga sahbati va moli bilan eng koʻp ehson qilgan kishi Abu Bakrdir. Agar men Robbimdan boshqa xalil (doʻst) tutadigan boʻlsam, albatta Abu Bakrni xalil qilardim. Lekin (bizning oramizda) islom birodarligi va uning muhabbati bordir. Masjidda Abu Bakrning eshigidan boshqa biror eshik yopilmasdan qolmasin (hammasini yopinglar)», dedilar.Расулуллоҳ ﷺ одамларга хутба қилиб: «Албатта Аллоҳ бир бандани дунё билан ўз ҳузуридаги нарса орасида ихтиёрли қилди (танловни берди), шунда у банда Аллоҳнинг ҳузуридаги нарсани танлади», дедилар. (Рови айтади:) Шунда Абу Бакр йиғлади. Биз унинг йиғлаганидан ҳайратландик, Расулуллоҳ ﷺ ихтиёр берилган бир банда ҳақида хабар бераётган бўлсалар (нега йиғлайди деб). Аслида ўша ихтиёр берилган зот Расулуллоҳ ﷺнинг ўзлари эдилар ва Абу Бакр бизнинг энг билимдонимиз эди. Расулуллоҳ ﷺ: «Албатта одамлар орасида менга саҳбати ва моли билан энг кўп эҳсон қилган киши Абу Бакрдир. Агар мен Роббимдан бошқа халил (дўст) тутадиган бўлсам, албатта Абу Бакрни халил қилардим. Лекин (бизнинг орамизда) ислом биродарлиги ва унинг муҳаббати бордир. Масжидда Абу Бакрнинг эшигидан бошқа бирор эшик ёпилмасдан қолмасин (ҳаммасини ёпинглар)», дедилар.