حَدَّثَنَا أَحْمَدُ بْنُ الْحَسَنِ، قَالَ حَدَّثَنَا عَبْدُ اللَّهِ بْنُ مَسْلَمَةَ، عَنْ مَالِكِ بْنِ أَنَسٍ، عَنْ أَبِي النَّضْرِ، عَنْ عُبَيْدِ بْنِ حُنَيْنٍ، عَنْ أَبِي سَعِيدٍ الْخُدْرِيِّ، أَنَّ رَسُولَ اللَّهِ صلى الله عليه وسلم جَلَسَ عَلَى الْمِنْبَرِ فَقَالَ " إِنَّ عَبْدًا خَيَّرَهُ اللَّهُ بَيْنَ أَنْ يُؤْتِيَهُ مِنْ زَهْرَةِ الدُّنْيَا مَا شَاءَ وَبَيْنَ مَا عِنْدَهُ فَاخْتَارَ مَا عِنْدَهُ " . فَقَالَ أَبُو بَكْرٍ فَدَيْنَاكَ يَا رَسُولَ اللَّهِ بِآبَائِنَا وَأُمَّهَاتِنَا . قَالَ فَعَجِبْنَا فَقَالَ النَّاسُ انْظُرُوا إِلَى هَذَا الشَّيْخِ يُخْبِرُ رَسُولُ اللَّهِ عَنْ عَبْدٍ خَيَّرَهُ اللَّهُ بَيْنَ أَنْ يُؤْتِيَهُ مِنْ زَهْرَةِ الدُّنْيَا مَا شَاءَ وَبَيْنَ مَا عِنْدَ اللَّهِ وَهُوَ يَقُولُ فَدَيْنَاكَ بِآبَائِنَا وَأُمَّهَاتِنَا . قَالَ فَكَانَ رَسُولُ اللَّهِ هُوَ الْمُخَيَّرَ وَكَانَ أَبُو بَكْرٍ هُوَ أَعْلَمَنَا بِهِ فَقَالَ النَّبِيُّ صلى الله عليه وسلم " إِنَّ مِنْ أَمَنِّ النَّاسِ عَلَىَّ فِي صُحْبَتِهِ وَمَالِهِ أَبُو بَكْرٍ وَلَوْ كُنْتُ مُتَّخِذًا خَلِيلاً لاَتَّخَذْتُ أَبَا بَكْرٍ خَلِيلاً وَلَكِنْ أُخُوَّةُ الإِسْلاَمِ لاَ تَبْقَيَنَّ فِي الْمَسْجِدِ خَوْخَةٌ إِلاَّ خَوْخَةُ أَبِي بَكْرٍ " . قَالَ أَبُو عِيسَى هَذَا حَدِيثٌ حَسَنٌ صَحِيحٌ .
Abu Said al-Xudriy (roziyallohu anhu)dan rivoyat qilinadiki, Rasululloh ﷺ minbarga oʻtirib shunday dedilar: «Albatta, bir bandani Alloh dunyo gulshanidan xohlaganicha berishi bilan Oʻz huzuridagi narsa orasida ixtiyor qoʻydi, u esa Oʻz huzuridagi narsani ixtiyor qildi». Shunda Abu Bakr: «Ey Allohning Rasuli, biz sizni otalarimiz va onalarimiz bilan fido qilamiz», dedi. (Rovi) aytdi: Biz bundan ajablandik. Odamlar: «Bu cholga qaranglar! Rasululloh ﷺ Alloh dunyo gulshanidan xohlaganicha berishi bilan Alloh huzuridagi narsa orasida ixtiyor qoʻygan bir bandadan xabar berayotsa-yu, u esa: ‹Biz sizni otalarimiz va onalarimiz bilan fido qilamiz›, deydi-ya», deyishdi. (Rovi) aytdi: Holbuki, ixtiyor qoʻyilgan zot Rasululloh ﷺning oʻzlari edilar, Abu Bakr esa bizning ichimizda buni eng yaxshi bilgani edi. Bas, Paygʻambar ﷺ: «Suhbati va moli bilan menga eng koʻp ehson qilgan kishilardan biri Abu Bakrdir. Agar men (Allohdan oʻzga) bir doʻst tutuvchi boʻlganimda, Abu Bakrni doʻst tutgan boʻlardim. Lekin (bizning oramizdagisi) islom birodarligidir. Masjidda Abu Bakrning eshigidan boshqa hech bir eshik qolmasin!» dedilar. Abu Iso aytdi: Bu hadis hasan sahihdir.Абу Саид ал-Худрий (розияллоҳу анҳу)дан ривоят қилинадики, Расулуллоҳ ﷺ минбарга ўтириб шундай дедилар: «Албатта, бир бандани Аллоҳ дунё гулшанидан хоҳлаганича бериши билан Ўз ҳузуридаги нарса орасида ихтиёр қўйди, у эса Ўз ҳузуридаги нарсани ихтиёр қилди». Шунда Абу Бакр: «Эй Аллоҳнинг Расули, биз сизни оталаримиз ва оналаримиз билан фидо қиламиз», деди. (Рови) айтди: Биз бундан ажабландик. Одамлар: «Бу чолга қаранглар! Расулуллоҳ ﷺ Аллоҳ дунё гулшанидан хоҳлаганича бериши билан Аллоҳ ҳузуридаги нарса орасида ихтиёр қўйган бир бандадан хабар бераётса-ю, у эса: ‹Биз сизни оталаримиз ва оналаримиз билан фидо қиламиз›, дейди-я», дейишди. (Рови) айтди: Ҳолбуки, ихтиёр қўйилган зот Расулуллоҳ ﷺнинг ўзлари эдилар, Абу Бакр эса бизнинг ичимизда буни энг яхши билгани эди. Бас, Пайғамбар ﷺ: «Суҳбати ва моли билан менга энг кўп эҳсон қилган кишилардан бири Абу Бакрдир. Агар мен (Аллоҳдан ўзга) бир дўст тутувчи бўлганимда, Абу Бакрни дўст тутган бўлардим. Лекин (бизнинг орамиздагиси) ислом биродарлигидир. Масжидда Абу Бакрнинг эшигидан бошқа ҳеч бир эшик қолмасин!» дедилар. Абу Исо айтди: Бу ҳадис ҳасан саҳиҳдир.