Mening bir sherigim bozorda dirhamlarni nasiya (qarzga) sotdi. Men: «Subhanalloh, bu joiz boʻladimi?» dedim. U: «Subhanalloh, Allohga qasamki, men ularni bozorda sotdim, hech kim uni ayblamadi», dedi. Men Baro ibn Ozibdan soʻradim. U: «Paygʻambar ﷺ (Madinaga) kelganlarida, biz mana shu savdoni qilardik. U zot: ‹Naqd-baqd (qoʻldan-qoʻlga) boʻlganida zarari yoʻq, nasiya boʻlganida esa joiz emas› dedilar. Zayd ibn Arqamga yoʻliqib, undan soʻra, chunki u bizning eng katta savdogarimiz edi», dedi. Men Zayd ibn Arqamdan soʻradim, u ham shunga oʻxshashni aytdi. Sufyon bir marta (rivoyatda): «Paygʻambar ﷺ bizning oldimizga Madinaga kelganlarida, biz savdo qilardik», dedi va: «mavsum yoki hajgacha nasiya (qarzga)», dedi.Менинг бир шеригим бозорда дирҳамларни насия (қарзга) сотди. Мен: «Субҳаналлоҳ, бу жоиз бўладими?» дедим. У: «Субҳаналлоҳ, Аллоҳга қасамки, мен уларни бозорда сотдим, ҳеч ким уни айбламади», деди. Мен Баро ибн Озибдан сўрадим. У: «Пайғамбар ﷺ (Мадинага) келганларида, биз мана шу савдони қилардик. У зот: ‹Нақд-бақд (қўлдан-қўлга) бўлганида зарари йўқ, насия бўлганида эса жоиз эмас› дедилар. Зайд ибн Арқамга йўлиқиб, ундан сўра, чунки у бизнинг энг катта савдогаримиз эди», деди. Мен Зайд ибн Арқамдан сўрадим, у ҳам шунга ўхшашни айтди. Суфён бир марта (ривоятда): «Пайғамбар ﷺ бизнинг олдимизга Мадинага келганларида, биз савдо қилардик», деди ва: «мавсум ёки ҳажгача насия (қарзга)», деди.