حَدَّثَنِي حَامِدُ بْنُ عُمَرَ، عَنْ بِشْرِ بْنِ الْمُفَضَّلِ، حَدَّثَنَا حُمَيْدٌ، حَدَّثَنَا أَنَسٌ، أَنَّ عَبْدَ اللَّهِ بْنَ سَلاَمٍ، بَلَغَهُ مَقْدَمُ النَّبِيِّ صلى الله عليه وسلم الْمَدِينَةَ، فَأَتَاهُ يَسْأَلُهُ عَنْ أَشْيَاءَ، فَقَالَ إِنِّي سَائِلُكَ عَنْ ثَلاَثٍ لاَ يَعْلَمُهُنَّ إِلاَّ نَبِيٌّ مَا أَوَّلُ أَشْرَاطِ السَّاعَةِ وَمَا أَوَّلُ طَعَامٍ يَأْكُلُهُ أَهْلُ الْجَنَّةِ وَمَا بَالُ الْوَلَدِ يَنْزِعُ إِلَى أَبِيهِ أَوْ إِلَى أُمِّهِ قَالَ " أَخْبَرَنِي بِهِ جِبْرِيلُ آنِفًا ". قَالَ ابْنُ سَلاَمٍ ذَاكَ عَدُوُّ الْيَهُودِ مِنَ الْمَلاَئِكَةِ. قَالَ " أَمَّا أَوَّلُ أَشْرَاطِ السَّاعَةِ فَنَارٌ تَحْشُرُهُمْ مِنَ الْمَشْرِقِ إِلَى الْمَغْرِبِ، وَأَمَّا أَوَّلُ طَعَامٍ يَأْكُلُهُ أَهْلُ الْجَنَّةِ، فَزِيَادَةُ كَبِدِ الْحُوتِ، وَأَمَّا الْوَلَدُ، فَإِذَا سَبَقَ مَاءُ الرَّجُلِ مَاءَ الْمَرْأَةِ نَزَعَ الْوَلَدَ، وَإِذَا سَبَقَ مَاءُ الْمَرْأَةِ مَاءَ الرَّجُلِ نَزَعَتِ الْوَلَدَ ". قَالَ أَشْهَدُ أَنَّ لاَ إِلَهَ إِلاَّ اللَّهُ وَأَنَّكَ رَسُولُ اللَّهِ. قَالَ يَا رَسُولَ اللَّهِ، إِنَّ الْيَهُودَ قَوْمٌ بُهُتٌ، فَاسْأَلْهُمْ عَنِّي قَبْلَ أَنْ يَعْلَمُوا بِإِسْلاَمِي، فَجَاءَتِ الْيَهُودُ فَقَالَ النَّبِيُّ صلى الله عليه وسلم " أَىُّ رَجُلٍ عَبْدُ اللَّهِ بْنُ سَلاَمٍ فِيكُمْ ". قَالُوا خَيْرُنَا وَابْنُ خَيْرِنَا وَأَفْضَلُنَا وَابْنُ أَفْضَلِنَا. فَقَالَ النَّبِيُّ صلى الله عليه وسلم " أَرَأَيْتُمْ إِنْ أَسْلَمَ عَبْدُ اللَّهِ بْنُ سَلاَمٍ ". قَالُوا أَعَاذَهُ اللَّهُ مِنْ ذَلِكَ. فَأَعَادَ عَلَيْهِمْ، فَقَالُوا مِثْلَ ذَلِكَ، فَخَرَجَ إِلَيْهِمْ عَبْدُ اللَّهِ فَقَالَ أَشْهَدُ أَنْ لاَ إِلَهَ إِلاَّ اللَّهُ وَأَنَّ مُحَمَّدًا رَسُولُ اللَّهِ. قَالُوا شَرُّنَا وَابْنُ شَرِّنَا. وَتَنَقَّصُوهُ. قَالَ هَذَا كُنْتُ أَخَافُ يَا رَسُولَ اللَّهِ.
Abdulloh ibn Salomga Paygʻambar ﷺning Madinaga kelishlari yetib keldi. U zotning oldilariga baʼzi narsalarni soʻrash uchun keldi va: «Men sendan uchta (narsa) haqida soʻrayman, ularni paygʻambardan boshqa hech kim bilmaydi: qiyomatning birinchi alomati nima? Jannat ahli yeydigan birinchi taom nima? Bola otasiga yoki onasiga (qaysi biriga oʻxshab) tortishining sababi nima?» dedi. U zot: «Buni menga hozirgina Jibril xabar berdi», dedilar. Ibn Salom: «U (Jibril) — farishtalardan yahudlarning dushmanidir», dedi. U zot: «Qiyomatning birinchi alomatiga kelsak — u (bir) oʻtdirki, odamlarni mashriqdan magʻribga (haydab) toʻplaydi. Jannat ahli yeydigan birinchi taomga kelsak — u baliq jigarining ortiqcha (boʻlagi)dir. Bolaga kelsak — erkakning suvi (nutfasi) ayolning suvidan oʻzib ketsa, bola (otasiga) tortadi; ayolning suvi erkakning suvidan oʻzib ketsa, bola (onaga) tortadi», dedilar. U: «Guvohlik beramanki, Allohdan boʻlak iloh yoʻq va sen Allohning Rasulisan», dedi. Soʻng: «Ey Allohning Rasuli, albatta yahudlar buhtonchi (tuhmatchi) qavm. Ular mening islom qabul qilganimni bilishlaridan oldin, ulardan men haqimda soʻra», dedi. Yahudlar kelishdi. Paygʻambar ﷺ: «Sizlarning oranggizda Abdulloh ibn Salom qanday kishi?» dedilar. Ular: «U eng yaxshimiz va eng yaxshimizning oʻgʻli, eng afzalimiz va eng afzalimizning oʻgʻli», deyishdi. Paygʻambar ﷺ: «Abdulloh ibn Salom islom qabul qilsa, (nima deysiz)?» dedilar. Ular: «Alloh uni bundan saqlasin!» deyishdi. U zot ularga (savolni) takrorladilar, ular yana shunga oʻxshashni aytishdi. Shunda Abdulloh ularning oldiga chiqib: «Guvohlik beramanki, Allohdan boʻlak iloh yoʻq va Muhammad Allohning Rasulidir», dedi. Ular: «U eng yomonimiz va eng yomonimizning oʻgʻli», deyishdi va uni kamsitishdi. U: «Men shundan qoʻrqar edim, ey Allohning Rasuli», dedi.Абдуллоҳ ибн Саломга Пайғамбар ﷺнинг Мадинага келишлари етиб келди. У зотнинг олдиларига баъзи нарсаларни сўраш учун келди ва: «Мен сендан учта (нарса) ҳақида сўрайман, уларни пайғамбардан бошқа ҳеч ким билмайди: қиёматнинг биринчи аломати нима? Жаннат аҳли ейдиган биринчи таом нима? Бола отасига ёки онасига (қайси бирига ўхшаб) тортишининг сабаби нима?» деди. У зот: «Буни менга ҳозиргина Жибрил хабар берди», дедилар. Ибн Салом: «У (Жибрил) — фаришталардан яҳудларнинг душманидир», деди. У зот: «Қиёматнинг биринчи аломатига келсак — у (бир) ўтдирки, одамларни машриқдан мағрибга (ҳайдаб) тўплайди. Жаннат аҳли ейдиган биринчи таомга келсак — у балиқ жигарининг ортиқча (бўлаги)дир. Болага келсак — эркакнинг суви (нутфаси) аёлнинг сувидан ўзиб кеца, бола (отасига) тортади; аёлнинг суви эркакнинг сувидан ўзиб кеца, бола (онага) тортади», дедилар. У: «Гувоҳлик бераманки, Аллоҳдан бўлак илоҳ йўқ ва сен Аллоҳнинг Расулисан», деди. Сўнг: «Эй Аллоҳнинг Расули, албатта яҳудлар буҳтончи (туҳматчи) қавм. Улар менинг ислом қабул қилганимни билишларидан олдин, улардан мен ҳақимда сўра», деди. Яҳудлар келишди. Пайғамбар ﷺ: «Сизларнинг оранггизда Абдуллоҳ ибн Салом қандай киши?» дедилар. Улар: «У энг яхшимиз ва энг яхшимизнинг ўғли, энг афзалимиз ва энг афзалимизнинг ўғли», дейишди. Пайғамбар ﷺ: «Абдуллоҳ ибн Салом ислом қабул қилса, (нима дейсиз)?» дедилар. Улар: «Аллоҳ уни бундан сақласин!» дейишди. У зот уларга (саволни) такрорладилар, улар яна шунга ўхшашни айтишди. Шунда Абдуллоҳ уларнинг олдига чиқиб: «Гувоҳлик бераманки, Аллоҳдан бўлак илоҳ йўқ ва Муҳаммад Аллоҳнинг Расулидир», деди. Улар: «У энг ёмонимиз ва энг ёмонимизнинг ўғли», дейишди ва уни камситишди. У: «Мен шундан қўрқар эдим, эй Аллоҳнинг Расули», деди.