Ibn Shihob aytdi: «Bular Rasululloh ﷺning magʻoziylari (gʻazotlari)dir» — soʻng (rovi) hadisni zikr qildi. Rasululloh ﷺ ularni (oʻliklarni quduqqa) tashlayotganlarida: «Robbingiz sizga vaʼda qilgan narsani haq (rost) holda topdingizmi?» dedilar. Muso aytdi: Nofeʼ aytdi: Abdulloh (ibn Umar) aytdi: Sahobalaridan baʼzi odamlar: «Ey Allohning Rasuli, oʻlik odamlarni chaqiryapsizmi?» dedilar. Rasululloh ﷺ: «Sizlar men aytgan narsani ulardan koʻra (yaxshi) eshituvchi emassiz», dedilar. Abu Abdulloh (al-Buxoriy) aytdi: Qurayshdan Badrda qatnashganlarning — oʻzlariga ulush belgilanganlarning — jami sakson bir kishi edi. Urva ibn Zubayr esa: «Zubayr: ‹Ularning ulushlari boʻlindi, ular yuzta edilar› dedi», derdi. Alloh (yaxshiroq) biluvchidir.Ибн Шиҳоб айтди: «Булар Расулуллоҳ ﷺнинг мағозийлари (ғазотлари)дир» — сўнг (рови) ҳадисни зикр қилди. Расулуллоҳ ﷺ уларни (ўликларни қудуққа) ташлаётганларида: «Роббингиз сизга ваъда қилган нарсани ҳақ (рост) ҳолда топдингизми?» дедилар. Мусо айтди: Нофеъ айтди: Абдуллоҳ (ибн Умар) айтди: Саҳобаларидан баъзи одамлар: «Эй Аллоҳнинг Расули, ўлик одамларни чақиряпсизми?» дедилар. Расулуллоҳ ﷺ: «Сизлар мен айтган нарсани улардан кўра (яхши) эшитувчи эмассиз», дедилар. Абу Абдуллоҳ (ал-Бухорий) айтди: Қурайшдан Бадрда қатнашганларнинг — ўзларига улуш белгиланганларнинг — жами саксон бир киши эди. Урва ибн Зубайр эса: «Зубайр: ‹Уларнинг улушлари бўлинди, улар юзта эдилар› деди», дерди. Аллоҳ (яхшироқ) билувчидир.