(Abu Muso al-Ashʼariy aytdi:) Rasululloh ﷺ Xaybarga gʻazot qilganlarida — yoki: Rasululloh ﷺ (Xaybarga) yuzlanganlarida — odamlar bir vodiyga (yuqoridan) qaradilar va ovozlarini takbir bilan koʻtardilar: «Allohu akbar, Allohu akbar, laa ilaaha illalloh!» Rasululloh ﷺ: «Oʻzlaringga rahm qilinglar (ovozlaringni pasaytiring), chunki sizlar kar yoki gʻoyib (uzoq)ni chaqirmayapsiz; sizlar Eshituvchi, Yaqin (Zot)ni chaqiryapsiz va U siz bilan birgadir», dedilar. Men Rasululloh ﷺning ulovi ortida edim. U zot meni — men ‹Laa havla va laa quvvata illaa billaah› (Allohdan boʻ lak na (gunohdan qaytaradigan) madad, na (toatga) quvvat bordir) deb aytayotganimni — eshitib, menga: «Ey Abdulloh ibn Qays», dedilar. Men: «Labbay, ey Allohning Rasuli», dedim. U zot: «Senga jannat xazinalaridan bir xazinadan (boʻ lgan) bir kalimani koʻrsataymi?» dedilar. Men: «Ha, ey Allohning Rasuli, otam-onam sizga fido boʻ lsin», dedim. U zot: «‹Laa havla va laa quvvata illaa billaah›», dedilar.(Абу Мусо ал-Ашъарий айтди:) Расулуллоҳ ﷺ Хайбарга ғазот қилганларида — ёки: Расулуллоҳ ﷺ (Хайбарга) юзланганларида — одамлар бир водийга (юқоридан) қарадилар ва овозларини такбир билан кўтардилар: «Аллоҳу акбар, Аллоҳу акбар, лаа илааҳа иллаллоҳ!» Расулуллоҳ ﷺ: «Ўзларингга раҳм қилинглар (овозларингни пасайтиринг), чунки сизлар кар ёки ғойиб (узоқ)ни чақирмаяпсиз; сизлар Эшитувчи, Яқин (Зот)ни чақиряпсиз ва У сиз билан биргадир», дедилар. Мен Расулуллоҳ ﷺнинг улови ортида эдим. У зот мени — мен ‹Лаа ҳавла ва лаа қуввата иллаа биллааҳ› (Аллоҳдан бў лак на (гуноҳдан қайтарадиган) мадад, на (тоатга) қувват бордир) деб айтаётганимни — эшитиб, менга: «Эй Абдуллоҳ ибн Қайс», дедилар. Мен: «Лаббай, эй Аллоҳнинг Расули», дедим. У зот: «Сенга жаннат хазиналаридан бир хазинадан (бў лган) бир калимани кўрсатайми?» дедилар. Мен: «Ҳа, эй Аллоҳнинг Расули, отам-онам сизга фидо бў лсин», дедим. У зот: «‹Лаа ҳавла ва лаа қуввата иллаа биллааҳ›», дедилар.