(Oisha (roziyallohu anho) rivoyat qildi)ki, bir kishi Paygʻambar ﷺning huzurlariga kirishga izn soʻradi. (U zot) uni koʻrganlarida: «Urugʻning qanday yomon birodari, urugʻning qanday yomon oʻgʻli!» dedilar. U (kishi) oʻtirgan paytda esa, Paygʻambar ﷺ unga yuzlarida ochiqchilik koʻrsatib, u bilan xushmuomalada boʻldilar. U kishi ketgach, Oisha u zotga: «Yo Rasululloh, siz u kishini koʻrganingizda unga shunday-shunday dedingiz, soʻng unga yuzingizda ochiqchilik koʻrsatib, u bilan xushmuomalada boʻldingiz?» dedi. Rasululloh ﷺ: «Ey Oisha, sen meni qachon fohish (qoʻpol soʻzli) deb bilgansan? Albatta, qiyomat kuni Alloh huzurida martabasi eng yomon (kishi) — odamlar uning yomonligidan qoʻrqib (undan) yuz oʻgirgan kishidir» dedilar.(Оиша (розияллоҳу анҳо) ривоят қилди)ки, бир киши Пайғамбар ﷺнинг ҳузурларига киришга изн сўради. (У зот) уни кўрганларида: «Уруғнинг қандай ёмон биродари, уруғнинг қандай ёмон ўғли!» дедилар. У (киши) ўтирган пайтда эса, Пайғамбар ﷺ унга юзларида очиқчилик кўрсатиб, у билан хушмуомалада бўлдилар. У киши кетгач, Оиша у зотга: «Ё Расулуллоҳ, сиз у кишини кўрганингизда унга шундай-шундай дедингиз, сўнг унга юзингизда очиқчилик кўрсатиб, у билан хушмуомалада бўлдингиз?» деди. Расулуллоҳ ﷺ: «Эй Оиша, сен мени қачон фоҳиш (қўпол сўзли) деб билгансан? Албатта, қиёмат куни Аллоҳ ҳузурида мартабаси энг ёмон (киши) — одамлар унинг ёмонлигидан қўрқиб (ундан) юз ўгирган кишидир» дедилар.