حَدَّثَنَا عَبْدُ اللَّهِ بْنُ مَسْلَمَةَ، قَالَ قَرَأْتُ عَلَى مَالِكٍ عَنِ ابْنِ شِهَابٍ، أَنَّ عُمَرَ بْنَ عَبْدِ الْعَزِيزِ، أَخَّرَ الصَّلاَةَ يَوْمًا، فَدَخَلَ عَلَيْهِ عُرْوَةُ بْنُ الزُّبَيْرِ، فَأَخْبَرَهُ أَنَّ الْمُغِيرَةَ بْنَ شُعْبَةَ أَخَّرَ الصَّلاَةَ يَوْمًا وَهْوَ بِالْعِرَاقِ، فَدَخَلَ عَلَيْهِ أَبُو مَسْعُودٍ الأَنْصَارِيُّ فَقَالَ مَا هَذَا يَا مُغِيرَةُ أَلَيْسَ قَدْ عَلِمْتَ أَنَّ جِبْرِيلَ نَزَلَ فَصَلَّى، فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ قَالَ " بِهَذَا أُمِرْتُ ". فَقَالَ عُمَرُ لِعُرْوَةَ اعْلَمْ مَا تُحَدِّثُ أَوَإِنَّ جِبْرِيلَ هُوَ أَقَامَ لِرَسُولِ اللَّهِ صلى الله عليه وسلم وَقْتَ الصَّلاَةِ. قَالَ عُرْوَةُ كَذَلِكَ كَانَ بَشِيرُ بْنُ أَبِي مَسْعُودٍ يُحَدِّثُ عَنْ أَبِيهِ. قَالَ عُرْوَةُ وَلَقَدْ حَدَّثَتْنِي عَائِشَةُ، أَنَّ رَسُولَ اللَّهِ صلى الله عليه وسلم كَانَ يُصَلِّي الْعَصْرَ، وَالشَّمْسُ فِي حُجْرَتِهَا قَبْلَ أَنْ تَظْهَرَ.
Ibn Shihob (Urvadan) rivoyat qiladi: Bir kuni Umar ibn Abdulaziz namozni kechiktirdi va Urva ibn Zubayr uning oldiga borib: «Bir kuni Iroqda Mugʻira ibn Shuʼba namozlarini kechiktirdi, Abu Masʼud al-Ansoriy uning oldiga borib: ‹Ey Mugʻira, bu nima? Bilmaysanmi, bir kuni Jabroil kelib (bomdod) namozini oʻqidi, Rasululloh ﷺ ham oʻqidilar; soʻng u yana (peshin) namozini oʻqidi, Rasululloh ﷺ ham; yana (asr) namozini oʻqidi, Rasululloh ﷺ ham; yana (shom) namozini oʻqidi, Rasululloh ﷺ ham; yana (xufton) namozini oʻqidi, Rasululloh ﷺ ham — soʻng Jabroil: Men shunday qilishga (sizlarga farz namozlarni koʻrsatishga) buyurildim, dedi›, — dedi», — dedi. Umar (ibn Abdulaziz) Urvaga: «Aytayotgan gapingga ishonchli boʻl. Jabroil Rasululloh ﷺ ga namozlarni belgilangan vaqtlarida imomlik qildimi?» — dedi. Urva: «Bashir ibn Abu Masʼud otasidan shunday rivoyat qildi», — dedi. Urva qoʻshimcha qildi: «Oisha menga aytdiki, Rasululloh ﷺ asr namozini quyosh hali uning xonasida (nuri) turgan paytda (asrning avvalgi vaqtida) oʻqir edilar».Ибн Шиҳоб (Урвадан) ривоят қилади: Бир куни Умар ибн Абдулазиз намозни кечиктирди ва Урва ибн Зубайр унинг олдига бориб: «Бир куни Ироқда Муғира ибн Шуъба намозларини кечиктирди, Абу Масъуд ал-Ансорий унинг олдига бориб: ‹Эй Муғира, бу нима? Билмайсанми, бир куни Жаброил келиб (бомдод) намозини ўқиди, Расулуллоҳ ﷺ ҳам ўқидилар; сўнг у яна (пешин) намозини ўқиди, Расулуллоҳ ﷺ ҳам; яна (аср) намозини ўқиди, Расулуллоҳ ﷺ ҳам; яна (шом) намозини ўқиди, Расулуллоҳ ﷺ ҳам; яна (хуфтон) намозини ўқиди, Расулуллоҳ ﷺ ҳам — сўнг Жаброил: Мен шундай қилишга (сизларга фарз намозларни кўрсатишга) буюрилдим, деди›, — деди», — деди. Умар (ибн Абдулазиз) Урвага: «Айтаётган гапингга ишончли бўл. Жаброил Расулуллоҳ ﷺ га намозларни белгиланган вақтларида имомлик қилдими?» — деди. Урва: «Башир ибн Абу Масъуд отасидан шундай ривоят қилди», — деди. Урва қўшимча қилди: «Оиша менга айтдики, Расулуллоҳ ﷺ аср намозини қуёш ҳали унинг хонасида (нури) турган пайтда (асрнинг аввалги вақтида) ўқир эдилар».