حَدَّثَنَا عَبْدُ اللَّهِ بْنُ عَبْدِ الْوَهَّابِ، حَدَّثَنَا حَمَّادٌ، عَنْ رَجُلٍ، لَمْ يُسَمِّهِ عَنِ الْحَسَنِ، قَالَ خَرَجْتُ بِسِلاَحِي لَيَالِيَ الْفِتْنَةِ فَاسْتَقْبَلَنِي أَبُو بَكْرَةَ فَقَالَ أَيْنَ تُرِيدُ قُلْتُ أُرِيدُ نُصْرَةَ ابْنِ عَمِّ رَسُولِ اللَّهِ صلى الله عليه وسلم. قَالَ قَالَ رَسُولُ اللَّهِ صلى الله عليه وسلم " إِذَا تَوَاجَهَ الْمُسْلِمَانِ بِسَيْفَيْهِمَا فَكِلاَهُمَا مِنْ أَهْلِ النَّارِ ". قِيلَ فَهَذَا الْقَاتِلُ، فَمَا بَالُ الْمَقْتُولِ قَالَ " إِنَّهُ أَرَادَ قَتْلَ صَاحِبِهِ ". قَالَ حَمَّادُ بْنُ زَيْدٍ فَذَكَرْتُ هَذَا الْحَدِيثَ لأَيُّوبَ وَيُونُسَ بْنِ عُبَيْدٍ وَأَنَا أُرِيدُ أَنْ يُحَدِّثَانِي بِهِ فَقَالاَ إِنَّمَا رَوَى هَذَا الْحَدِيثَ الْحَسَنُ عَنِ الأَحْنَفِ بْنِ قَيْسٍ عَنْ أَبِي بَكْرَةَ. حَدَّثَنَا سُلَيْمَانُ حَدَّثَنَا حَمَّادٌ بِهَذَا. وَقَالَ مُؤَمَّلٌ حَدَّثَنَا حَمَّادُ بْنُ زَيْدٍ، حَدَّثَنَا أَيُّوبُ، وَيُونُسُ، وَهِشَامٌ، وَمُعَلَّى بْنُ زِيَادٍ، عَنِ الْحَسَنِ، عَنِ الأَحْنَفِ، عَنْ أَبِي بَكْرَةَ، عَنِ النَّبِيِّ صلى الله عليه وسلم. وَرَوَاهُ مَعْمَرٌ عَنْ أَيُّوبَ. وَرَوَاهُ بَكَّارُ بْنُ عَبْدِ الْعَزِيزِ عَنْ أَبِيهِ عَنْ أَبِي بَكْرَةَ. وَقَالَ غُنْدَرٌ حَدَّثَنَا شُعْبَةُ، عَنْ مَنْصُورٍ، عَنْ رِبْعِيِّ بْنِ حِرَاشٍ، عَنْ أَبِي بَكْرَةَ، عَنِ النَّبِيِّ صلى الله عليه وسلم. وَلَمْ يَرْفَعْهُ سُفْيَانُ عَنْ مَنْصُورٍ.
(Hammod ismini aytmagan bir kishidan, (u) Hasandan rivoyat qildiki, u aytdi:) Men fitna kechalarida qurolimni (koʻtarib) chiqdim, shunda Abu Bakra (roziyallohu anhu) menga roʻbaroʻ keldi-da: «Qayoqqa (bormoqchi)san?» dedi. Men: «Rasululloh ﷺning amakivachchalari (Ali)ga yordam (bermoqchi)man», dedim. U: «Rasululloh ﷺ: ‹Agar ikki musulmon bir-biriga qilichlari bilan roʻbaroʻ kelsa (urushsa), ikkovi ham doʻzax ahlidandir›, dedilar», dedi. (Abu Bakraga): «Mana, bu — qotil (shunday); lekin oʻldirilganning (gunohi) nima?» deyildi. U: «Albatta, u (ham) oʻz hamrohini oʻldirishni istagan edi-da», dedi. (Hammod ibn Zayd aytdi: Men bu hadisni Ayyub va Yunus ibn Ubaydga — ular menga uni (sanadi bilan) aytib berishlarini istab — zikr qildim. Ular: ‹Bu hadisni Hasan al-Ahnaf ibn Qaysdan, (u) Abu Bakradan rivoyat qilgan, xolos›, dedilar. Sulaymon bizga, Hammod shu (sanad) bilan aytib berdi. Muammal aytdi: Bizga Hammod ibn Zayd, (unga) Ayyub, Yunus, Hishom va Muallo ibn Ziyod Hasandan, (u) al-Ahnafdan, (u) Abu Bakradan, (u) Paygʻambar ﷺdan (rivoyat qildi). Buni Maʼmar ham Ayyubdan rivoyat qildi. Buni Bakkor ibn Abdulaziz ham otasidan, (u) Abu Bakradan rivoyat qildi. Gʻundar aytdi: Bizga Shuʼba Mansurdan, (u) Ribʼiy ibn Hiroshdan, (u) Abu Bakradan, (u) Paygʻambar ﷺdan (rivoyat qildi). Sufyon esa uni Mansurdan (rivoyat qilib) marfuʼ qilmadi.)(Ҳаммод исмини айтмаган бир кишидан, (у) Ҳасандан ривоят қилдики, у айтди:) Мен фитна кечаларида қуролимни (кўтариб) чиқдим, шунда Абу Бакра (розияллоҳу анҳу) менга рўбарў келди-да: «Қаёққа (бормоқчи)сан?» деди. Мен: «Расулуллоҳ ﷺнинг амакиваччалари (Али)га ёрдам (бермоқчи)ман», дедим. У: «Расулуллоҳ ﷺ: ‹Агар икки мусулмон бир-бирига қиличлари билан рўбарў келса (урушса), иккови ҳам дўзах аҳлидандир›, дедилар», деди. (Абу Бакрага): «Мана, бу — қотил (шундай); лекин ўлдирилганнинг (гуноҳи) нима?» дейилди. У: «Албатта, у (ҳам) ўз ҳамроҳини ўлдиришни истаган эди-да», деди. (Ҳаммод ибн Зайд айтди: Мен бу ҳадисни Айюб ва Юнус ибн Убайдга — улар менга уни (санади билан) айтиб беришларини истаб — зикр қилдим. Улар: ‹Бу ҳадисни Ҳасан ал-Аҳнаф ибн Қайсдан, (у) Абу Бакрадан ривоят қилган, холос›, дедилар. Сулаймон бизга, Ҳаммод шу (санад) билан айтиб берди. Муаммал айтди: Бизга Ҳаммод ибн Зайд, (унга) Айюб, Юнус, Ҳишом ва Муалло ибн Зиёд Ҳасандан, (у) ал-Аҳнафдан, (у) Абу Бакрадан, (у) Пайғамбар ﷺдан (ривоят қилди). Буни Маъмар ҳам Айюбдан ривоят қилди. Буни Баккор ибн Абдулазиз ҳам отасидан, (у) Абу Бакрадан ривоят қилди. Ғундар айтди: Бизга Шуъба Мансурдан, (у) Рибъий ибн Ҳирошдан, (у) Абу Бакрадан, (у) Пайғамбар ﷺдан (ривоят қилди). Суфён эса уни Мансурдан (ривоят қилиб) марфуъ қилмади.)