Usmon ibn Affon (roziyallohu anhu)dan rivoyat qilinadiki, u al-Maqoidda tahorat qildi — al-Maqoid Madinada, masjid yonidagi, janoza namozi oʻqiladigan joydir. U kaftlarini uch martadan yuvdi, uch marta burnini qoqdi, uch marta ogʻzini chaydi, yuzini uch marta yuvdi, ikki qoʻlini tirsaklarigacha uch marta yuvdi, boshiga uch marta mash tortdi va ikki oyogʻini uch marta yuvdi. U tahorat qilayotganda bir kishi unga salom berdi, u esa tugatgunicha alik olmadi. Tugatgach, undan uzr soʻrab gapirdi va: «Senga alik olishimga faqat Rasululloh ﷺning: ‹Kim mana shunday tahorat qilsa va gapirmasa, soʻng: Ashhadu an lo ilaha illalloh vahdahu lo sharika lah, va anna Muhammadan abduhu va rasuluh, desa, unga ikki tahorat orasidagisi magʻfirat qilinadi›, deganlarini eshitganim monelik qildi», dedi.Усмон ибн Аффон (розияллоҳу анҳу)дан ривоят қилинадики, у ал-Мақоидда таҳорат қилди — ал-Мақоид Мадинада, масжид ёнидаги, жаноза намози ўқиладиган жойдир. У кафтларини уч мартадан ювди, уч марта бурнини қоқди, уч марта оғзини чайди, юзини уч марта ювди, икки қўлини тирсакларигача уч марта ювди, бошига уч марта маш тортди ва икки оёғини уч марта ювди. У таҳорат қилаётганда бир киши унга салом берди, у эса тугатгунича алик олмади. Тугатгач, ундан узр сўраб гапирди ва: «Сенга алик олишимга фақат Расулуллоҳ ﷺнинг: ‹Ким мана шундай таҳорат қилса ва гапирмаса, сўнг: Ашҳаду ан ло илаҳа иллаллоҳ ваҳдаҳу ло шарика лаҳ, ва анна Муҳаммадан абдуҳу ва расулуҳ, деса, унга икки таҳорат орасидагиси мағфират қилинади›, деганларини эшитганим монелик қилди», деди.