Nuʼmondan rivoyat qilinadiki, uning onasi otasi Bashirdan oʻgʻli Nuʼmonga bir xurmozorni berishini talab qildi, u ham shunday qildi. Soʻng u: «Senga kimni guvoh qilay?» dedi. Ayol: «Nabiy ﷺ ni», dedi. Shunda u Nabiy ﷺ huzurlariga kelib, buni u zotga aytdi. Nabiy ﷺ: «Sening undan boshqa bolang bormi?» dedilar. U: «Ha», dedi. U zot: «Unga berganingdek ularga ham berdingmi?» dedilar. U: «Yoʻq», dedi. U zot: «Menga oʻxshagan kishi bunga guvoh boʻlmaydi. Albatta, Alloh taolo oʻzlaringiz orasida adolat qilishingizni yaxshi koʻrganidek, bolalaringiz orasida ham adolat qilishingizni yaxshi koʻradi», dedilar.Нуъмондан ривоят қилинадики, унинг онаси отаси Баширдан ўғли Нуъмонга бир хурмозорни беришини талаб қилди, у ҳам шундай қилди. Сўнг у: «Сенга кимни гувоҳ қилай?» деди. Аёл: «Набий ﷺ ни», деди. Шунда у Набий ﷺ ҳузурларига келиб, буни у зотга айтди. Набий ﷺ: «Сенинг ундан бошқа боланг борми?» дедилар. У: «Ҳа», деди. У зот: «Унга берганингдек уларга ҳам бердингми?» дедилар. У: «Йўқ», деди. У зот: «Менга ўхшаган киши бунга гувоҳ бўлмайди. Албатта, Аллоҳ таоло ўзларингиз орасида адолат қилишингизни яхши кўрганидек, болаларингиз орасида ҳам адолат қилишингизни яхши кўради», дедилар.