Oisha (roziyallohu anho)dan rivoyat qilinadi: Fotima binti Abu Hubaysh Nabiy ﷺ huzurlariga kelib: «Yo Rasululloh, men istihoza koʻradigan ayolman, poklanmayman. Namozni tark etaymi?» dedi. U zot: «Hayz kunlaringda namozni tark et, soʻng gʻusl qil va namoz oʻqi, garchi boʻyraga qon tomsa ham», dedilar. Boshqasi esa Vakiʼdan: «Va har namoz uchun tahorat ol», deb keltirdi. Said ibn Muhammad al-Hannot bizga aytib berdi: Yusuf ibn Muso bizga Vakiʼdan shu isnod bilan aytib berib, unda: «Soʻng gʻusl qil va har namoz uchun tahorat olib namoz oʻqi, garchi boʻyraga qon tomsa ham», dedi.Оиша (розияллоҳу анҳо)дан ривоят қилинади: Фотима бинти Абу Ҳубайш Набий ﷺ ҳузурларига келиб: «Ё Расулуллоҳ, мен истиҳоза кўрадиган аёлман, покланмайман. Намозни тарк этайми?» деди. У зот: «Ҳайз кунларингда намозни тарк эт, сўнг ғусл қил ва намоз ўқи, гарчи бўйрага қон томса ҳам», дедилар. Бошқаси эса Вакиъдан: «Ва ҳар намоз учун таҳорат ол», деб келтирди. Саид ибн Муҳаммад ал-Ҳаннот бизга айтиб берди: Юсуф ибн Мусо бизга Вакиъдан шу иснод билан айтиб бериб, унда: «Сўнг ғусл қил ва ҳар намоз учун таҳорат олиб намоз ўқи, гарчи бўйрага қон томса ҳам», деди.