Adiy ibn Hotim (roziyallohu anhu)dan rivoyat qilinadiki, u Paygʻambar ﷺdan soʻrab: «Men oʻqimni otaman va (ovga) tegizaman, lekin unga bir yo ikki kundan keyingina yeta olaman», dedi. U zot: «Unga yetganingda, unda oʻz otishingdan boshqa asar ham, tirnalgan joy ham boʻlmasa, yeyaver. Agar unda oʻz otishingdan boshqasining asarini topsang, uni yema — yoki: uni totma, dedilar — chunki sen buni oʻzing qildingmi yo boshqasimi, bilmaysan. Itingni qoʻyib yuborsang, u (ovni) ushlasa va sen unga yetib borsang, uni boʻgʻizla. Agar uni ushlab, undan hech narsa yemagan holda topsang, yeyaver. Agar uni oʻldirib, undan yegan holda topsang, undan hech narsa yema — yoki: uni yema, dedilar — chunki u oʻzi uchun ushlagan», dedilar. Adiy: «Men itlarimni Allohning nomini aytib qoʻyib yuboraman, ular boshqalarning itlariga qoʻshilib ketadi, ular ovni ushlab, uni oʻldiradi», dedi. U zot: «Uni yema, chunki uni sening itlaring oʻldirdimi yo boshqaning itlarimi — bilmaysan», dedilar.Адий ибн Ҳотим (розияллоҳу анҳу)дан ривоят қилинадики, у Пайғамбар ﷺдан сўраб: «Мен ўқимни отаман ва (овга) тегизаман, лекин унга бир ё икки кундан кейингина ета оламан», деди. У зот: «Унга етганингда, унда ўз отишингдан бошқа асар ҳам, тирналган жой ҳам бўлмаса, еявер. Агар унда ўз отишингдан бошқасининг асарини топсанг, уни ема — ёки: уни тотма, дедилар — чунки сен буни ўзинг қилдингми ё бошқасими, билмайсан. Итингни қўйиб юборсанг, у (овни) ушласа ва сен унга етиб борсанг, уни бўғизла. Агар уни ушлаб, ундан ҳеч нарса емаган ҳолда топсанг, еявер. Агар уни ўлдириб, ундан еган ҳолда топсанг, ундан ҳеч нарса ема — ёки: уни ема, дедилар — чунки у ўзи учун ушлаган», дедилар. Адий: «Мен итларимни Аллоҳнинг номини айтиб қўйиб юбораман, улар бошқаларнинг итларига қўшилиб кетади, улар овни ушлаб, уни ўлдиради», деди. У зот: «Уни ема, чунки уни сенинг итларинг ўлдирдими ё бошқанинг итларими — билмайсан», дедилар.