Anas ibn Molik (roziyallohu anhu) aytdi: Rasululloh ﷺ zamonlarida bir kishi bor edi, uning ibodati va ijtihodi bizni hayratga solar edi. Biz uni Rasululloh ﷺga ismini aytib eslatdik va sifatini taʼrifladik. Shu holatda turganimizda oʻsha kishi koʻrindi va biz: «U mana shu», dedik. Shunda u zot: «Sizlar menga yuzida shaytondan bir alomat bor kishi haqida xabar berayotibsizlar», dedilar. U kelib, ularning yonida toʻxtadi, ammo salom bermadi. Rasululloh ﷺ unga: «Seni Alloh nomi bilan soʻrayman, majlis oldida turganingda: bu qavmda mendan afzalroq va mendan yaxshiroq hech kim yoʻq, deb aytmadingmi?» dedilar. U: «Allohim, ha», dedi. Soʻng kirib, namoz oʻqiy boshladi. Rasululloh ﷺ: «Bu kishini kim oʻldiradi?» dedilar. Abu Bakr: «Men», dedi va uning oldiga kirib, uni namoz oʻqiyotgan holda topdi-da: «Subhanalloh, namoz oʻqiyotgan kishini oʻldiramanmi? Holbuki Rasululloh ﷺ namoz oʻqiyotganlarni urishdan qaytarganlar», dedi va chiqib ketdi. Va (roviy) hadisni toʻliqligicha zikr qildi.Анас ибн Молик (розияллоҳу анҳу) айтди: Расулуллоҳ ﷺ замонларида бир киши бор эди, унинг ибодати ва ижтиҳоди бизни ҳайратга солар эди. Биз уни Расулуллоҳ ﷺга исмини айтиб эслатдик ва сифатини таърифладик. Шу ҳолатда турганимизда ўша киши кўринди ва биз: «У мана шу», дедик. Шунда у зот: «Сизлар менга юзида шайтондан бир аломат бор киши ҳақида хабар бераётибсизлар», дедилар. У келиб, уларнинг ёнида тўхтади, аммо салом бермади. Расулуллоҳ ﷺ унга: «Сени Аллоҳ номи билан сўрайман, мажлис олдида турганингда: бу қавмда мендан афзалроқ ва мендан яхшироқ ҳеч ким йўқ, деб айтмадингми?» дедилар. У: «Аллоҳим, ҳа», деди. Сўнг кириб, намоз ўқий бошлади. Расулуллоҳ ﷺ: «Бу кишини ким ўлдиради?» дедилар. Абу Бакр: «Мен», деди ва унинг олдига кириб, уни намоз ўқиётган ҳолда топди-да: «Субҳаналлоҳ, намоз ўқиётган кишини ўлдираманми? Ҳолбуки Расулуллоҳ ﷺ намоз ўқиётганларни уришдан қайтарганлар», деди ва чиқиб кетди. Ва (ровий) ҳадисни тўлиқлигича зикр қилди.