Abul-Ahvas Abdulloh (ibn Masʼud)dan — u hadisni Nabiy ﷺga koʻtargan holda — rivoyat qiladi. U zot: «Albatta, rivoyatlarning eng yomoni yolgʻon rivoyatlardir; yolgʻonning jiddiysi ham, hazili ham durust emas. Kishi oʻgʻliga vaʼda berib, soʻng uni bajarmasligi (ham durust emas). Albatta, rostgoʻylik yaxshilikka boshlaydi, yaxshilik esa jannatga boshlaydi; albatta, yolgʻonchilik fisq-fujurga boshlaydi, fujur esa doʻzaxga boshlaydi. Rostgoʻy haqida: ‹Rost soʻzladi va yaxshilik qildi›, deyiladi; yolgʻonchi haqida: ‹Yolgʻon soʻzladi va fujur qildi›, deyiladi. Albatta, kishi rost soʻzlayveradi — toki Alloh huzurida siddiq deb yozilgunicha; va yolgʻon soʻzlayveradi — toki Alloh huzurida kazzob deb yozilgunicha», dedilar. Yana u zot bizga: «Sizlarga ‹azh› nima ekanini xabar berayinmi? Albatta, ‹azh› — bu odamlar orasini buzadigan chaqimchilikdir», dedilar.Абул-Аҳвас Абдуллоҳ (ибн Масъуд)дан — у ҳадисни Набий ﷺга кўтарган ҳолда — ривоят қилади. У зот: «Албатта, ривоятларнинг энг ёмони ёлғон ривоятлардир; ёлғоннинг жиддийси ҳам, ҳазили ҳам дуруст эмас. Киши ўғлига ваъда бериб, сўнг уни бажармаслиги (ҳам дуруст эмас). Албатта, ростгўйлик яхшиликка бошлайди, яхшилик эса жаннатга бошлайди; албатта, ёлғончилик фисқ-фужурга бошлайди, фужур эса дўзахга бошлайди. Ростгўй ҳақида: ‹Рост сўзлади ва яхшилик қилди›, дейилади; ёлғончи ҳақида: ‹Ёлғон сўзлади ва фужур қилди›, дейилади. Албатта, киши рост сўзлайверади — токи Аллоҳ ҳузурида сиддиқ деб ёзилгунича; ва ёлғон сўзлайверади — токи Аллоҳ ҳузурида каззоб деб ёзилгунича», дедилар. Яна у зот бизга: «Сизларга ‹азҳ› нима эканини хабар берайинми? Албатта, ‹азҳ› — бу одамлар орасини бузадиган чақимчиликдир», дедилар.