Abdulloh ibn ad-Daylamiy otasidan rivoyat qiladiki, otasi yoki ulardan bir kishi Nabiy ﷺdan soʻrab: «Ey Allohning Rasuli, biz siz bilgan joydan chiqdik va siz bilgan kishilarning oʻrtasiga tushdik. Bizning valiyimiz kim?» dedi. U zot: «Alloh va Uning Rasuli», dedilar. Ular: «Ey Allohning Rasuli, biz uzumzor va xamr egalari edik, Alloh esa xamrni harom qildi. Endi uzumni nima qilamiz?» dedilar. U zot: «Uni mayiz qilinglar», dedilar. Ular: «Mayizni nima qilamiz?» dedilar. U zot: «Uni meshlarga solib ivitinglar: nonushta paytida ivitinglar-da, kechki taom paytida ichinglar; kechki taom paytida ivitinglar-da, nonushta paytida ichinglar. Chunki unga ikki vaqt oʻtganida, u xamr boʻlishidan oldin halol boʻladi», dedilar.Абдуллоҳ ибн ад-Дайламий отасидан ривоят қиладики, отаси ёки улардан бир киши Набий ﷺдан сўраб: «Эй Аллоҳнинг Расули, биз сиз билган жойдан чиқдик ва сиз билган кишиларнинг ўртасига тушдик. Бизнинг валийимиз ким?» деди. У зот: «Аллоҳ ва Унинг Расули», дедилар. Улар: «Эй Аллоҳнинг Расули, биз узумзор ва хамр эгалари эдик, Аллоҳ эса хамрни ҳаром қилди. Энди узумни нима қиламиз?» дедилар. У зот: «Уни майиз қилинглар», дедилар. Улар: «Майизни нима қиламиз?» дедилар. У зот: «Уни мешларга солиб ивитинглар: нонушта пайтида ивитинглар-да, кечки таом пайтида ичинглар; кечки таом пайтида ивитинглар-да, нонушта пайтида ичинглар. Чунки унга икки вақт ўтганида, у хамр бўлишидан олдин ҳалол бўлади», дедилар.