Ibn Umar (roziyallohu anhumo)dan rivoyat qilinadi: Biz Rasululloh ﷺ bilan bir safarda edik. Shunda bir aʼrobiy yaqinlashdi. U zotga yaqinlashganda, Rasululloh ﷺ unga: «Qayerni koʻzlagansan?» dedilar. U: «Ahlimning oldiga», dedi. U zot: «Yaxshilikka (ragʻbating) bormi?» dedilar. U: «U nima?» dedi. U zot: «Allohdan boshqa iloh yoʻq, U yolgʻiz, sherigi yoʻq, Muhammad esa Uning bandasi va Rasuli ekaniga guvohlik berasan», dedilar. U: «Aytayotganingga kim guvohlik beradi?» dedi. U zot: «Mana bu salama daraxti», dedilar. Rasululloh ﷺ uni chaqirdilar, u vodiy boʻyida edi. U yerni yorib kela boshladi, hatto u zotning oldida turdi. U zot undan uch marta guvohlik soʻradilar, u ham uch marta ish u zot aytganidek ekaniga guvohlik berdi. Soʻng u oʻsib chiqqan joyiga qaytdi. Aʼrobiy esa qavmiga qaytdi va: «Agar ular menga ergashsalar, ularni oldingizga olib kelaman, boʻlmasa qaytib kelib, siz bilan boʻlaman», dedi.Ибн Умар (розияллоҳу анҳумо)дан ривоят қилинади: Биз Расулуллоҳ ﷺ билан бир сафарда эдик. Шунда бир аъробий яқинлашди. У зотга яқинлашганда, Расулуллоҳ ﷺ унга: «Қаерни кўзлагансан?» дедилар. У: «Аҳлимнинг олдига», деди. У зот: «Яхшиликка (рағбатинг) борми?» дедилар. У: «У нима?» деди. У зот: «Аллоҳдан бошқа илоҳ йўқ, У ёлғиз, шериги йўқ, Муҳаммад эса Унинг бандаси ва Расули эканига гувоҳлик берасан», дедилар. У: «Айтаётганингга ким гувоҳлик беради?» деди. У зот: «Мана бу салама дарахти», дедилар. Расулуллоҳ ﷺ уни чақирдилар, у водий бўйида эди. У ерни ёриб кела бошлади, ҳатто у зотнинг олдида турди. У зот ундан уч марта гувоҳлик сўрадилар, у ҳам уч марта иш у зот айтганидек эканига гувоҳлик берди. Сўнг у ўсиб чиққан жойига қайтди. Аъробий эса қавмига қайтди ва: «Агар улар менга эргашсалар, уларни олдингизга олиб келаман, бўлмаса қайтиб келиб, сиз билан бўламан», деди.