أَخْبَرَنَا عُبَيْدُ اللَّهِ بْنُ مُوسَى ، عَنْ إِسْمَاعِيل بْنِ عَبْدِ الْمَلِكِ ، عَنْ أَبِي الزُّبَيْرِ ، عَنْ جَابِرٍ رَضِيَ اللهُ عَنْهُ، قَالَ : خَرَجْتُ مَعَ النَّبِيِّ صَلَّى اللَّهُ عَلَيْهِ وَسَلَّمَ فِي سَفَرٍ، وَكَانَ لَا يَأْتِي الْبَرَازَ حَتَّى يَتَغَيَّبَ فَلَا يُرَى، فَنَزَلْنَا بِفَلَاةٍ مِنْ الْأَرْضِ لَيْسَ فِيهَا شَجَرةٌ، وَلَا عَلَمٌ، فَقَالَ : " يَا جَابِرُ، اجْعَلْ فِي إِدَاوَتِكَ مَاءً ثُمَّ انْطَلِقْ بِنَا "، قَالَ : فَانْطَلَقْنَا حَتَّى لَا نُرَى، فَإِذَا هُوَ بِشَجَرَتَيْنِ بَيْنَهُمَا أَرْبَعُ أَذْرُعٍ ، فَقَالَ : " يَا جَابِرُ، انْطَلِقْ إِلَى هَذِهِ الشَّجَرَةِ، فَقُلْ : يُقُولُ لَكِ رَسولُ اللَّهِ K : الْحَقِي بِصَاحِبَتِكِ حَتَّى أَجْلِسَ خَلْفَكُمَا "، فَرَجَعَتْ إِلَيْهَا، فَجَلَسَ رَسُولُ اللَّهِ صَلَّى اللَّهُ عَلَيْهِ وَسَلَّمَ خَلْفَهُمَ، ثُمَّ رَجَعَتَا إِلَى مَكَانِهِمَا، فَرَكِبْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ وَرَسُولُ اللَّهِ بَيْنَنَا كَأَنَّمَا عَلَيْنَا الطَّيْرُ تُظِلُّنَا، فَعَرَضَتْ لَهُ امْرَأَةٌ مَعَهَا صَبِيٌّ لَهَا، فَقَالَتْ : يَا رَسُولَ اللَّهِ، إِنَّ ابْنِي هَذَا يَأْخُذُهُ الشَّيْطَانُ كُلَّ يَوْمٍ ثَلَاثَ مِرَارٍ، قَالَ : فَتَنَاوَلَ الصَّبِيَّ فَجَعَلَهُ بَيْنَهُ وَبَيْنَ مُقَدَّمِ الرَّحْلِ، ثُمَّ قَالَ : " اخْسَأْ عَدُوَّ اللَّهِ، أَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ، اخْسَأْ عَدُوَّ اللَّهِ أَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ ثَلَاثًا "، ثُمَّ دَفَعَهُ إِلَيْهَا، فَلَمَّا قَضَيْنَا سَفَرَنَا، مَرَرْنَا بِذَلِكَ الْمَكَانِ فَعَرَضَتْ لَنَا الْمَرْأَةُ مَعَهَا صَبِيُّهَا، وَمَعَهَا كَبْشَانِ تَسُوقُهُمَا، فَقَالَتْ : يَا رَسُولَ اللَّهِ اقْبَلْ مِنِّي هَدِيَّتِي، فَوَالَّذِي بَعَثَكَ بِالْحَقِّ مَا عَادَ إِلَيْهِ بَعْدُ، فَقَالَ : " خُذُوا مِنْهَا وَاحِدًا وَرُدُّوا عَلَيْهَا الْآخَرَ "، قَالَ : ثُمَّ سِرْنَا وَرَسُولُ اللَّهِ صَلَّى اللَّهُ عَلَيْهِ وَسَلَّمَ بَيْنَنَا كَأَنَّمَا عَلَيْنَا الطَّيْرُ تُظِلُّنَا، فَإِذَا جَمَلٌ نَادٌّ حَتَّى إِذَا كَانَ بَيْنَ سِمَاطَيْنِ خَرَّ سَاجِدًا، فَجَلَسَ رَسُولَ اللَّهِ صَلَّى اللَّهُ عَلَيْهِ وَسَلَّمَ، وَقَالَ عَلَيَّ النَّاسَ : " مَنْ صَاحِبُ الْجَمَلِ؟ " فَإِذَا فِتْيَةٌ مِنْ الْأَنْصَارِ، قَالُوا : هُوَ لَنَا يَا رَسُولَ اللَّهِ، قَالَ : " فَمَا شَأْنُهُ "؟، قَالُوا : اسْتَنَيْنَا عَلَيْهِ مُنْذُ عِشْرِينَ سَنَةً وَكَانَتْ بِهِ شُحَيْمَةٌ فَأَرَدْنَا أَنْ نَنْحَرَهُ فَنَقْسِمَهُ بَيْنَ غِلْمَانِنَا، فَانْفَلَتَ مِنَّا، قَالَ : " بِيعُونِيهِ "، قَالُوا : لَا، بَلْ هُوَ لَكَ يَا رَسُولَ اللَّهِ، قَالَ : " أَمَّا لا، فَأَحْسِنُوا إِلَيْهِ حَتَّى يَأْتِيَهُ أَجَلُهُ "، قَالَ الْمُسْلِمُونَ عِنْدَ ذَلِكَ : يَا رَسُولَ اللَّهِ، نَحْنُ أَحَقُّ بِالسُّجُودِ لَكَ مِنْ الْبَهَائِمِ، قَالَ : " لَا يَنْبَغِي لِشَيْءٍ أَنْ يَسْجُدَ لِشَيْءٍ وَلَوْ كَانَ ذَلِكَ، كَانَ النِّسَاءُ لِأَزْوَاجِهِنَّ "
Jobir (roziyallohu anhu)dan rivoyat qilinadi: Men Nabiy ﷺ bilan bir safarga chiqdim. U zot koʻrinmay ketmagunlaricha hojat chiqargani bormas edilar. Biz yerning bir choʻlida tushdik, unda na daraxt, na biror belgi bor edi. U zot: «Ey Jobir, idishingga suv sol, soʻng biz bilan yur», dedilar. Biz koʻrinmay ketguncha yurdik. Shunda u zot oraligʻi toʻrt gaz keladigan ikki daraxtni koʻrdilar va: «Ey Jobir, mana bu daraxtning oldiga borib: ‹Senga Rasululloh ﷺ: Sherigingga qoʻshil, men ikkovingning ortingizda oʻtiray, deyaptilar›, degin», dedilar. U sherigining oldiga bordi va Rasululloh ﷺ ularning ortida oʻtirdilar. Soʻng ikkovi oʻz joyiga qaytdi. Biz Rasululloh ﷺ bilan yoʻlga tushdik, Rasululloh ﷺ oramizda edilar, goʻyo ustimizda qushlar soya solib turgandek edi. Shunda u zotga bir ayol roʻpara boʻldi, yonida oʻgʻilchasi bor edi. U: «Yo Rasululloh, mana bu oʻgʻlimni har kuni uch marta shayton tutadi», dedi. U zot bolani olib, oʻzlari bilan egarning old qismi orasiga qoʻydilar, soʻng: «Yoʻqol, ey Allohning dushmani, men Allohning Rasulimen! Yoʻqol, ey Allohning dushmani, men Allohning Rasulimen!» deb uch marta aytdilar. Soʻng uni ayolga qaytardilar. Safarimizni tugatganimizda, oʻsha joydan oʻtdik. Ayol bizga roʻpara boʻldi, yonida oʻgʻli va haydab kelayotgan ikkita qoʻchqori bor edi. U: «Yo Rasululloh, mendan hadyamni qabul qiling. Sizni haq bilan yuborgan Zotga qasamki, undan keyin unga (shayton) qaytmadi», dedi. U zot: «Undan bittasini olinglar, ikkinchisini oʻziga qaytaringlar», dedilar. Soʻng yoʻlga tushdik, Rasululloh ﷺ oramizda edilar, goʻyo ustimizda qushlar soya solib turgandek edi. Shunda qochoq bir tuya paydo boʻldi; u ikki saf orasiga kelganda, sajda qilib yiqildi. Rasululloh ﷺ oʻtirdilar va odamlarga: «Bu tuyaning egasi kim?» dedilar. Ansordan bir necha yigit: «U bizniki, yo Rasululloh», dedilar. U zot: «Unga nima boʻlgan?» dedilar. Ular: «Yigirma yildan beri unda suv tashiganmiz. U semirib qolgan edi, uni soʻyib, xizmatkorlarimiz orasida taqsim qilmoqchi edik, u bizdan qochib ketdi», dedilar. U zot: «Uni menga sotinglar», dedilar. Ular: «Yoʻq, balki u sizniki, yo Rasululloh», dedilar. U zot: «Unday boʻlsa, ajali kelguncha unga yaxshilik qilinglar», dedilar. Shunda musulmonlar: «Yo Rasululloh, sizga sajda qilishga biz hayvonlardan haqliroqmiz», dedilar. U zot: «Hech bir narsaning boshqa narsaga sajda qilishi joiz emas. Agar shunday boʻlganida, ayollar erlariga sajda qilardi», dedilar.Жобир (розияллоҳу анҳу)дан ривоят қилинади: Мен Набий ﷺ билан бир сафарга чиқдим. У зот кўринмай кетмагунларича ҳожат чиқаргани бормас эдилар. Биз ернинг бир чўлида тушдик, унда на дарахт, на бирор белги бор эди. У зот: «Эй Жобир, идишингга сув сол, сўнг биз билан юр», дедилар. Биз кўринмай кетгунча юрдик. Шунда у зот оралиғи тўрт газ келадиган икки дарахтни кўрдилар ва: «Эй Жобир, мана бу дарахтнинг олдига бориб: ‹Сенга Расулуллоҳ ﷺ: Шеригингга қўшил, мен икковингнинг ортингизда ўтирай, деяптилар›, дегин», дедилар. У шеригининг олдига борди ва Расулуллоҳ ﷺ уларнинг ортида ўтирдилар. Сўнг иккови ўз жойига қайтди. Биз Расулуллоҳ ﷺ билан йўлга тушдик, Расулуллоҳ ﷺ орамизда эдилар, гўё устимизда қушлар соя солиб тургандек эди. Шунда у зотга бир аёл рўпара бўлди, ёнида ўғилчаси бор эди. У: «Ё Расулуллоҳ, мана бу ўғлимни ҳар куни уч марта шайтон тутади», деди. У зот болани олиб, ўзлари билан эгарнинг олд қисми орасига қўйдилар, сўнг: «Йўқол, эй Аллоҳнинг душмани, мен Аллоҳнинг Расулимен! Йўқол, эй Аллоҳнинг душмани, мен Аллоҳнинг Расулимен!» деб уч марта айтдилар. Сўнг уни аёлга қайтардилар. Сафаримизни тугатганимизда, ўша жойдан ўтдик. Аёл бизга рўпара бўлди, ёнида ўғли ва ҳайдаб келаётган иккита қўчқори бор эди. У: «Ё Расулуллоҳ, мендан ҳадямни қабул қилинг. Сизни ҳақ билан юборган Зотга қасамки, ундан кейин унга (шайтон) қайтмади», деди. У зот: «Ундан биттасини олинглар, иккинчисини ўзига қайтаринглар», дедилар. Сўнг йўлга тушдик, Расулуллоҳ ﷺ орамизда эдилар, гўё устимизда қушлар соя солиб тургандек эди. Шунда қочоқ бир туя пайдо бўлди; у икки саф орасига келганда, сажда қилиб йиқилди. Расулуллоҳ ﷺ ўтирдилар ва одамларга: «Бу туянинг эгаси ким?» дедилар. Ансордан бир неча йигит: «У бизники, ё Расулуллоҳ», дедилар. У зот: «Унга нима бўлган?» дедилар. Улар: «Йигирма йилдан бери унда сув ташиганмиз. У семириб қолган эди, уни сўйиб, хизматкорларимиз орасида тақсим қилмоқчи эдик, у биздан қочиб кетди», дедилар. У зот: «Уни менга сотинглар», дедилар. Улар: «Йўқ, балки у сизники, ё Расулуллоҳ», дедилар. У зот: «Ундай бўлса, ажали келгунча унга яхшилик қилинглар», дедилар. Шунда мусулмонлар: «Ё Расулуллоҳ, сизга сажда қилишга биз ҳайвонлардан ҳақлироқмиз», дедилар. У зот: «Ҳеч бир нарсанинг бошқа нарсага сажда қилиши жоиз эмас. Агар шундай бўлганида, аёллар эрларига сажда қиларди», дедилар.