Jobir ibn Abdulloh (roziyallohu anhumo) aytdi: Biz Rasululloh ﷺ bilan gʻazotga, yoki safarga chiqdik, oʻsha kuni ikki yuz oʻn necha kishi edik. Namoz vaqti kirdi. Rasululloh ﷺ: «Qavmda tahorat suvi bormi?» dedilar. Shunda bir kishi shoshib, ichida bir oz suvi bor idishni koʻtarib keldi; qavmda bundan boshqa suv yoʻq edi. Rasululloh ﷺ uni bir qadahga quydilar, soʻng tahorat qildilar va tahoratni chiroyli qildilar. Soʻng qaytdilar va qadahni qoldirdilar. Odamlar oʻsha qadahga yopirildilar va: «Surtininglar, surtininglar», dedilar. Rasululloh ﷺ ularning shunday deyayotganini eshitib: «Shoshilmanglar», dedilar. Soʻng Rasululloh ﷺ kaftlarini suvga va qadahga qoʻydilar va: «Bismilloh», dedilar. Soʻng: «Tahoratni komil qilinglar», dedilar. Meni koʻzim bilan sinovga qoʻygan Zotga qasamki, men buloqlarni, suv buloqlarini u zotning barmoqlari orasidan chiqayotganini koʻrdim. U zot hammalari tahorat olib boʻlgunlaricha qoʻllarini koʻtarmadilar.Жобир ибн Абдуллоҳ (розияллоҳу анҳумо) айтди: Биз Расулуллоҳ ﷺ билан ғазотга, ёки сафарга чиқдик, ўша куни икки юз ўн неча киши эдик. Намоз вақти кирди. Расулуллоҳ ﷺ: «Қавмда таҳорат суви борми?» дедилар. Шунда бир киши шошиб, ичида бир оз суви бор идишни кўтариб келди; қавмда бундан бошқа сув йўқ эди. Расулуллоҳ ﷺ уни бир қадаҳга қуйдилар, сўнг таҳорат қилдилар ва таҳоратни чиройли қилдилар. Сўнг қайтдилар ва қадаҳни қолдирдилар. Одамлар ўша қадаҳга ёпирилдилар ва: «Суртининглар, суртининглар», дедилар. Расулуллоҳ ﷺ уларнинг шундай деяётганини эшитиб: «Шошилманглар», дедилар. Сўнг Расулуллоҳ ﷺ кафтларини сувга ва қадаҳга қўйдилар ва: «Бисмиллоҳ», дедилар. Сўнг: «Таҳоратни комил қилинглар», дедилар. Мени кўзим билан синовга қўйган Зотга қасамки, мен булоқларни, сув булоқларини у зотнинг бармоқлари орасидан чиқаётганини кўрдим. У зот ҳаммалари таҳорат олиб бўлгунларича қўлларини кўтармадилар.