Tufayl ibn Ubay ibn Kaʼb otasidan rivoyat qiladi: Masjid chayla holida ekan, Rasululloh ﷺ bir xurmo tanasiga qarab namoz oʻqir va unga suyanib xutba qilar edilar. Sahobalaridan bir kishi u zotga: «Sizga bir soyabon yasab bersak, uning ustida tursangiz, juma kuni odamlar sizni koʻrsalar va xutbangizni eshitsalar?» dedi. U zot: «Ha», dedilar. Shunda u zotga minbardagi mana shu uchta zina yasaldi. Minbar yasalib, Rasululloh ﷺ uni qoʻygan joyiga qoʻyilganda, Rasululloh ﷺ minbarni koʻzlab kelib, tananing yonidan oʻtdilar. U zot undan oʻtganlarida, tana boʻkirdi, hatto yorilib, ikkiga boʻlindi. Rasululloh ﷺ uning oldiga qaytdilar va qoʻllari bilan siladilar, u tinchidi. Soʻng minbarga qaytdilar. U zot namoz oʻqiganlarida, oʻshanga qarab namoz oʻqir edilar. Masjid buzilganda, oʻsha tanani Ubay ibn Kaʼb olib qoʻydi va u eskirib, qurt-qumursqa yeb, chirib ketguncha uning huzurida qoldi.Туфайл ибн Убай ибн Каъб отасидан ривоят қилади: Масжид чайла ҳолида экан, Расулуллоҳ ﷺ бир хурмо танасига қараб намоз ўқир ва унга суяниб хутба қилар эдилар. Саҳобаларидан бир киши у зотга: «Сизга бир соябон ясаб берсак, унинг устида турсангиз, жума куни одамлар сизни кўрсалар ва хутбангизни эшитсалар?» деди. У зот: «Ҳа», дедилар. Шунда у зотга минбардаги мана шу учта зина ясалди. Минбар ясалиб, Расулуллоҳ ﷺ уни қўйган жойига қўйилганда, Расулуллоҳ ﷺ минбарни кўзлаб келиб, тананинг ёнидан ўтдилар. У зот ундан ўтганларида, тана бўкирди, ҳатто ёрилиб, иккига бўлинди. Расулуллоҳ ﷺ унинг олдига қайтдилар ва қўллари билан силадилар, у тинчиди. Сўнг минбарга қайтдилар. У зот намоз ўқиганларида, ўшанга қараб намоз ўқир эдилар. Масжид бузилганда, ўша танани Убай ибн Каъб олиб қўйди ва у эскириб, қурт-қумурсқа еб, чириб кетгунча унинг ҳузурида қолди.