Shahr ibn Havshab aytadi: Luqmon oʻgʻliga shunday dedi: «Ey oʻgʻilchagim, ilmni u bilan olimlar oldida faxrlanish, yoki u bilan safihlar bilan tortishish, yoxud majlislarda riyo qilish uchun oʻrganma. Ilmga ragʻbatsizlik qilib va johillikni istab, uni tark ham etma. Allohni zikr qilayotgan qavmni koʻrsang, ular bilan oʻtir: olim boʻlsang, ilming senga foyda beradi; johil boʻlsang, ular senga oʻrgatadilar. Balki Alloh ularga rahmati bilan nazar solar va u senga ham ular bilan birga yetar. Allohni zikr qilmaydigan qavmni koʻrsang, ular bilan oʻtirma: olim boʻlsang, ilming senga foyda bermaydi; johil boʻlsang, ular senga gumrohlikni yoxud nodonlikni ziyoda qiladilar. Balki Alloh ularga gʻazab bilan nazar solar va u senga ham ular bilan birga yetar».Шаҳр ибн Ҳавшаб айтади: Луқмон ўғлига шундай деди: «Эй ўғилчагим, илмни у билан олимлар олдида фахрланиш, ёки у билан сафиҳлар билан тортишиш, ёхуд мажлисларда риё қилиш учун ўрганма. Илмга рағбатсизлик қилиб ва жоҳилликни истаб, уни тарк ҳам этма. Аллоҳни зикр қилаётган қавмни кўрсанг, улар билан ўтир: олим бўлсанг, илминг сенга фойда беради; жоҳил бўлсанг, улар сенга ўргатадилар. Балки Аллоҳ уларга раҳмати билан назар солар ва у сенга ҳам улар билан бирга етар. Аллоҳни зикр қилмайдиган қавмни кўрсанг, улар билан ўтирма: олим бўлсанг, илминг сенга фойда бермайди; жоҳил бўлсанг, улар сенга гумроҳликни ёхуд нодонликни зиёда қиладилар. Балки Аллоҳ уларга ғазаб билан назар солар ва у сенга ҳам улар билан бирга етар».