Oisha (roziyallohu anho)dan rivoyat qilinadi: Asmo Rasululloh ﷺdan hayzdan gʻusl qilish haqida soʻradi. U zot: «Sizlardan biringiz suvi va sidr bargini olib, poklansin va poklanishni chiroyli, yaxshilab qilsin, soʻng boshiga suv quyib, sochining tublariga yetguncha uni qattiq ishqalasin, soʻng ustidan suv quysin. Keyin misk surtilgan bir parcha paxta olib, u bilan poklansin», dedilar. Asmo: «Men u bilan qanday poklanay?» dedi. U zot: «Subhanalloh, u bilan poklan!» dedilar. Oisha, xuddi buni yashirgandek: «U bilan qon izlarini kuzatib toza qil», dedi. Asmo: «Yana men u zotdan janobatdan gʻusl qilish haqida soʻradim», dedi. U zot: «Sizlardan biringiz suvini olib poklansin va poklanishni chiroyli, yaxshilab qilsin, hatto boshiga suv quyib, sochining tublariga yetguncha ishqalasin, soʻng badaniga suv quysin», dedilar. Oisha: «Ansor ayollari qanday yaxshi ayollar! Ularni hayo dinni chuqur oʻrganishdan toʻsmagan», dedi.Оиша (розияллоҳу анҳо)дан ривоят қилинади: Асмо Расулуллоҳ ﷺдан ҳайздан ғусл қилиш ҳақида сўради. У зот: «Сизлардан бирингиз суви ва сидр баргини олиб, поклансин ва покланишни чиройли, яхшилаб қилсин, сўнг бошига сув қуйиб, сочининг тубларига етгунча уни қаттиқ ишқаласин, сўнг устидан сув қуйсин. Кейин миск суртилган бир парча пахта олиб, у билан поклансин», дедилар. Асмо: «Мен у билан қандай покланай?» деди. У зот: «Субҳаналлоҳ, у билан поклан!» дедилар. Оиша, худди буни яширгандек: «У билан қон изларини кузатиб тоза қил», деди. Асмо: «Яна мен у зотдан жанобатдан ғусл қилиш ҳақида сўрадим», деди. У зот: «Сизлардан бирингиз сувини олиб поклансин ва покланишни чиройли, яхшилаб қилсин, ҳатто бошига сув қуйиб, сочининг тубларига етгунча ишқаласин, сўнг баданига сув қуйсин», дедилар. Оиша: «Ансор аёллари қандай яхши аёллар! Уларни ҳаё динни чуқур ўрганишдан тўсмаган», деди.