حَدَّثَنَا هِشَامُ بْنُ عَمَّارٍ، حَدَّثَنَا عِيسَى بْنُ يُونُسَ، حَدَّثَنَا الأَخْضَرُ بْنُ عَجْلاَنَ، حَدَّثَنَا أَبُو بَكْرٍ الْحَنَفِيُّ، عَنْ أَنَسِ بْنِ مَالِكٍ، أَنَّ رَجُلاً، مِنَ الأَنْصَارِ جَاءَ إِلَى النَّبِيِّ ـ صلى الله عليه وسلم ـ يَسْأَلُهُ فَقَالَ " لَكَ فِي بَيْتِكَ شَىْءٌ " . قَالَ بَلَى حِلْسٌ نَلْبَسُ بَعْضَهُ وَنَبْسُطُ بَعْضَهُ وَقَدَحٌ نَشْرَبُ فِيهِ الْمَاءَ . قَالَ " ائْتِنِي بِهِمَا " . قَالَ فَأَتَاهُ بِهِمَا فَأَخَذَهُمَا رَسُولُ اللَّهِ ـ صلى الله عليه وسلم ـ بِيَدِهِ ثُمَّ قَالَ " مَنْ يَشْتَرِي هَذَيْنِ " . فَقَالَ رَجُلٌ أَنَا آخُذُهُمَا بِدِرْهَمٍ . قَالَ " مَنْ يَزِيدُ عَلَى دِرْهَمٍ " . مَرَّتَيْنِ أَوْ ثَلاَثًا قَالَ رَجُلٌ أَنَا آخُذُهُمَا بِدِرْهَمَيْنِ . فَأَعْطَاهُمَا إِيَّاهُ وَأَخَذَ الدِّرْهَمَيْنِ فَأَعْطَاهُمَا الأَنْصَارِيَّ وَقَالَ " اشْتَرِ بِأَحَدِهِمَا طَعَامًا فَانْبِذْهُ إِلَى أَهْلِكَ وَاشْتَرِ بِالآخَرِ قَدُومًا فَأْتِنِي بِهِ " . فَفَعَلَ فَأَخَذَهُ رَسُولُ اللَّهِ ـ صلى الله عليه وسلم ـ فَشَدَّ فِيهِ عُودًا بِيَدِهِ وَقَالَ " اذْهَبْ فَاحْتَطِبْ وَلاَ أَرَاكَ خَمْسَةَ عَشَرَ يَوْمًا " . فَجَعَلَ يَحْتَطِبُ وَيَبِيعُ فَجَاءَ وَقَدْ أَصَابَ عَشْرَةَ دَرَاهِمَ فَقَالَ " اشْتَرِ بِبَعْضِهَا طَعَامًا وَبِبَعْضِهَا ثَوْبًا " . ثُمَّ قَالَ " هَذَا خَيْرٌ لَكَ مِنْ أَنْ تَجِيءَ وَالْمَسْأَلَةُ نُكْتَةٌ فِي وَجْهِكَ يَوْمَ الْقِيَامَةِ إِنَّ الْمَسْأَلَةَ لاَ تَصْلُحُ إِلاَّ لِذِي فَقْرٍ مُدْقِعٍ أَوْ لِذِي غُرْمٍ مُفْظِعٍ أَوْ دَمٍ مُوجِعٍ " .
Anas ibn Molik (roziyallohu anhu)dan rivoyat qilinadi: Ansorlardan bir kishi Nabiy ﷺ huzuriga (biror narsa) soʻrab keldi. U zot ﷺ: «Uyingda biror narsa bormi?» dedilar. U: «Ha, bir palos bor, uning bir qismini yopinamiz, bir qismini toʻshaymiz, yana bir kosa bor, undan suv ichamiz», dedi. U zot ﷺ: «Ularni menga keltir», dedilar. U ikkovini keltirdi. Rasululloh ﷺ ularni qoʻllariga olib: «Bu ikkovini kim sotib oladi?» dedilar. Bir kishi: «Men ularni bir dirhamga olaman», dedi. U zot ﷺ ikki yoki uch marta: «Bir dirhamdan ortiq kim beradi?» dedilar. Bir kishi: «Men ularni ikki dirhamga olaman», dedi. Shunda u ikkovini unga berib, ikki dirhamni oldilar va uni ansoriyga berib: «Bulardan biriga taom sotib olib, oilangga tashla, ikkinchisiga bolta sotib olib, menga keltir», dedilar. U shunday qildi. Rasululloh ﷺ uni olib, oʻz qoʻllari bilan unga bir dasta oʻrnatdilar va: «Bor, oʻtin ter, oʻn besh kungacha seni koʻrmayin», dedilar. U oʻtin terib sota boshladi va oʻn dirham topib keldi. Shunda u zot ﷺ: «Uning bir qismiga taom, bir qismiga kiyim sotib ol», dedilar. Soʻng: «Bu sen uchun Qiyomat kunida yuzingda soʻrab-tilanish dogʻi boʻlib kelishingdan yaxshiroqdir. Albatta, soʻrab-tilanish faqat qattiq muhtoj kambagʻalga yoki ogʻir qarzga botganga yoki ogʻriqli (xun toʻlash) qonga (giriftor boʻlgan) kishiga joizdir», dedilar.Анас ибн Молик (розияллоҳу анҳу)дан ривоят қилинади: Ансорлардан бир киши Набий ﷺ ҳузурига (бирор нарса) сўраб келди. У зот ﷺ: «Уйингда бирор нарса борми?» дедилар. У: «Ҳа, бир палос бор, унинг бир қисмини ёпинамиз, бир қисмини тўшаймиз, яна бир коса бор, ундан сув ичамиз», деди. У зот ﷺ: «Уларни менга келтир», дедилар. У икковини келтирди. Расулуллоҳ ﷺ уларни қўлларига олиб: «Бу икковини ким сотиб олади?» дедилар. Бир киши: «Мен уларни бир дирҳамга оламан», деди. У зот ﷺ икки ёки уч марта: «Бир дирҳамдан ортиқ ким беради?» дедилар. Бир киши: «Мен уларни икки дирҳамга оламан», деди. Шунда у икковини унга бериб, икки дирҳамни олдилар ва уни ансорийга бериб: «Булардан бирига таом сотиб олиб, оилангга ташла, иккинчисига болта сотиб олиб, менга келтир», дедилар. У шундай қилди. Расулуллоҳ ﷺ уни олиб, ўз қўллари билан унга бир даста ўрнатдилар ва: «Бор, ўтин тер, ўн беш кунгача сени кўрмайин», дедилар. У ўтин териб сота бошлади ва ўн дирҳам топиб келди. Шунда у зот ﷺ: «Унинг бир қисмига таом, бир қисмига кийим сотиб ол», дедилар. Сўнг: «Бу сен учун Қиёмат кунида юзингда сўраб-тиланиш доғи бўлиб келишингдан яхшироқдир. Албатта, сўраб-тиланиш фақат қаттиқ муҳтож камбағалга ёки оғир қарзга ботганга ёки оғриқли (хун тўлаш) қонга (гирифтор бўлган) кишига жоиздир», дедилар.