Jobir ibn Abdulloh (roziyallohu anhumo)dan rivoyat qilinadi: Men Nabiy ﷺ bilan bir gʻazotda edim. U zot ﷺ menga: «Mana bu suv tashuvchi tuyangni bir dinorga sotasanmi? Alloh seni kechirsin», dedilar. Men: «Ey Rasululloh, Madinaga yetganimda u sizniki», dedim. U zot ﷺ: «Uni ikki dinorga sotasanmi? Alloh seni kechirsin», dedilar. Soʻng u zot narxni birma-bir dinordan oshirib boraverdilar va har bir dinor oʻrniga: «Alloh seni kechirsin», deb turdilar, toki yigirma dinorga yetguncha. Madinaga yetganimda tuyaning boshidan tutib, uni Nabiy ﷺ huzurlariga olib keldim. U zot ﷺ: «Ey Bilol, unga xaltadan yigirma dinor ber», dedilar. Yana: «Tuyangni olib, oilangga qaytar», dedilar.Жобир ибн Абдуллоҳ (розияллоҳу анҳумо)дан ривоят қилинади: Мен Набий ﷺ билан бир ғазотда эдим. У зот ﷺ менга: «Мана бу сув ташувчи туянгни бир динорга сотасанми? Аллоҳ сени кечирсин», дедилар. Мен: «Эй Расулуллоҳ, Мадинага етганимда у сизники», дедим. У зот ﷺ: «Уни икки динорга сотасанми? Аллоҳ сени кечирсин», дедилар. Сўнг у зот нархни бирма-бир динордан ошириб боравердилар ва ҳар бир динор ўрнига: «Аллоҳ сени кечирсин», деб турдилар, токи йигирма динорга етгунча. Мадинага етганимда туянинг бошидан тутиб, уни Набий ﷺ ҳузурларига олиб келдим. У зот ﷺ: «Эй Билол, унга халтадан йигирма динор бер», дедилар. Яна: «Туянгни олиб, оилангга қайтар», дедилар.