Qayla Umm Bani Anmor (roziyallohu anho)dan rivoyat qilinadi: U ayol shunday dedi: Men Rasululloh ﷺ huzurlariga umralaridan birida Marva yonida keldim va: «Ey Rasululloh, men savdo qiladigan (oldi-sotdi qiladigan) ayolman. Bir narsani sotib olmoqchi boʻlsam, koʻnglimdagidan kamroq narx aytaman, soʻng oshiraman, soʻng oshiraveraman, toki koʻnglimdagi narxga yetguncha. Bir narsani sotmoqchi boʻlsam, koʻnglimdagidan koʻproq narx aytaman, soʻng kamaytiraveraman, toki koʻnglimdagi narxga yetguncha», dedim. Shunda Rasululloh ﷺ: «Bunday qilma, ey Qayla. Bir narsani sotib olmoqchi boʻlsang, senga berilsa ham, berilmasa ham, oʻzing xohlagan narxni ayt», dedilar. Yana: «Bir narsani sotmoqchi boʻlsang, senga berilsa ham, berilmasa ham, oʻzing xohlagan narxni ayt», dedilar.Қайла Умм Бани Анмор (розияллоҳу анҳо)дан ривоят қилинади: У аёл шундай деди: Мен Расулуллоҳ ﷺ ҳузурларига умраларидан бирида Марва ёнида келдим ва: «Эй Расулуллоҳ, мен савдо қиладиган (олди-сотди қиладиган) аёлман. Бир нарсани сотиб олмоқчи бўлсам, кўнглимдагидан камроқ нарх айтаман, сўнг ошираман, сўнг оширавераман, токи кўнглимдаги нархга етгунча. Бир нарсани сотмоқчи бўлсам, кўнглимдагидан кўпроқ нарх айтаман, сўнг камайтиравераман, токи кўнглимдаги нархга етгунча», дедим. Шунда Расулуллоҳ ﷺ: «Бундай қилма, эй Қайла. Бир нарсани сотиб олмоқчи бўлсанг, сенга берилса ҳам, берилмаса ҳам, ўзинг хоҳлаган нархни айт», дедилар. Яна: «Бир нарсани сотмоқчи бўлсанг, сенга берилса ҳам, берилмаса ҳам, ўзинг хоҳлаган нархни айт», дедилар.