Masʼud ibn al-Aswad (roziyallohu anhu)dan rivoyat qilinadi: U ayol Rasululloh ﷺ ning uyidan bir qatifa (yopinchiq) oʻgʻirlaganida, biz buni juda katta ish deb bildik. U Quraysh ayollaridan edi. Shunda Nabiy ﷺ ning oldilariga u zot bilan gaplashish uchun kelib: «Biz uni qirq uqiyya evaziga tovon toʻlab ozod qilamiz», dedik. Rasululloh ﷺ: «Uning poklanishi oʻzi uchun yaxshiroqdir», dedilar. Rasululloh ﷺ ning yumshoq soʻzlarini eshitib, Usomaning oldiga borib: «Rasululloh ﷺ bilan gaplashib qoʻy», dedik. Rasululloh ﷺ buni koʻrganlarida, xutba oʻqigani turib: «Nega mendan Allohning hadlaridan biri, Allohning bir choʻrisiga tushgan haddi haqida shuncha koʻp talab qilyapsizlar? Muhammadning joni qoʻlida boʻlgan Zotga qasamki, agar Rasulullohning qizi Fotima ham bu ishni qilganida edi, Muhammad uning qoʻlini kesardi», dedilar.Масъуд ибн ал-Асwад (розияллоҳу анҳу)дан ривоят қилинади: У аёл Расулуллоҳ ﷺ нинг уйидан бир қатифа (ёпинчиқ) ўғирлаганида, биз буни жуда катта иш деб билдик. У Қурайш аёлларидан эди. Шунда Набий ﷺ нинг олдиларига у зот билан гаплашиш учун келиб: «Биз уни қирқ уқийя эвазига товон тўлаб озод қиламиз», дедик. Расулуллоҳ ﷺ: «Унинг покланиши ўзи учун яхшироқдир», дедилар. Расулуллоҳ ﷺ нинг юмшоқ сўзларини эшитиб, Усоманинг олдига бориб: «Расулуллоҳ ﷺ билан гаплашиб қўй», дедик. Расулуллоҳ ﷺ буни кўрганларида, хутба ўқигани туриб: «Нега мендан Аллоҳнинг ҳадларидан бири, Аллоҳнинг бир чўрисига тушган ҳадди ҳақида шунча кўп талаб қиляпсизлар? Муҳаммаднинг жони қўлида бўлган Зотга қасамки, агар Расулуллоҳнинг қизи Фотима ҳам бу ишни қилганида эди, Муҳаммад унинг қўлини кесарди», дедилар.