Abu Hurayra (roziyallohu anhu)dan rivoyat qilinadi: Biz Rasululloh ﷺ ning huzurlarida edik. Bir kishi kelib: «Alloh haqqi, oramizda Allohning Kitobi ila hukm qiling», dedi. Uning raqibi, — u undan koʻra bilimliroq edi, — «Oramizda Allohning Kitobi ila hukm qiling va menga soʻzlashga izn bering», dedi. U zot: «Ayt», dedilar. U: «Mening oʻgʻlim bu kishining oldida ishchi edi, u kishining xotini bilan zino qildi. Men undan yuzta qoʻy va bir choʻri evaziga oʻgʻlimni qutqarib oldim. Soʻng ilm ahlidan bir kishidan soʻrasam, menga oʻgʻlimga yuz darra va bir yil surgun, bu kishining xotiniga esa toshboʻron hukmi ekani aytildi», dedi. Shunda Rasululloh ﷺ: «Jonim qoʻlida boʻlgan Zotga qasamki, oramizda Allohning Kitobi ila hukm qilaman: yuzta qoʻy va choʻri senga qaytariladi, oʻgʻlingga esa yuz darra va bir yil surgun. Ey Unays, bu kishining xotiniga borgin, agar iqror boʻlsa, uni toshboʻron qilgin», dedilar. Bas, u ayolning oldiga bordi, u iqror boʻldi va uni toshboʻron qildi.Абу Ҳурайра (розияллоҳу анҳу)дан ривоят қилинади: Биз Расулуллоҳ ﷺ нинг ҳузурларида эдик. Бир киши келиб: «Аллоҳ ҳаққи, орамизда Аллоҳнинг Китоби ила ҳукм қилинг», деди. Унинг рақиби, — у ундан кўра билимлироқ эди, — «Орамизда Аллоҳнинг Китоби ила ҳукм қилинг ва менга сўзлашга изн беринг», деди. У зот: «Айт», дедилар. У: «Менинг ўғлим бу кишининг олдида ишчи эди, у кишининг хотини билан зино қилди. Мен ундан юзта қўй ва бир чўри эвазига ўғлимни қутқариб олдим. Сўнг илм аҳлидан бир кишидан сўрасам, менга ўғлимга юз дарра ва бир йил сургун, бу кишининг хотинига эса тошбўрон ҳукми экани айтилди», деди. Шунда Расулуллоҳ ﷺ: «Жоним қўлида бўлган Зотга қасамки, орамизда Аллоҳнинг Китоби ила ҳукм қиламан: юзта қўй ва чўри сенга қайтарилади, ўғлингга эса юз дарра ва бир йил сургун. Эй Унайс, бу кишининг хотинига боргин, агар иқрор бўлса, уни тошбўрон қилгин», дедилар. Бас, у аёлнинг олдига борди, у иқрор бўлди ва уни тошбўрон қилди.