حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا شَرِيكٌ، عَنْ عُمَارَةَ بْنِ الْقَعْقَاعِ، وَابْنِ، شُبْرُمَةَ عَنْ أَبِي زُرْعَةَ، عَنْ أَبِي هُرَيْرَةَ، قَالَ جَاءَ رَجُلٌ إِلَى النَّبِيِّ صلى الله عليه وسلم فَقَالَ يَا رَسُولَ اللَّهِ نَبِّئْنِي بِأَحَقِّ النَّاسِ مِنِّي بِحُسْنِ الصُّحْبَةِ فَقَالَ " نَعَمْ وَأَبِيكَ لَتُنَبَّأَنَّ أُمُّكَ " . قَالَ ثُمَّ مَنْ قَالَ " ثُمَّ أُمُّكَ " . قَالَ ثُمَّ مَنْ قَالَ " ثُمَّ أُمُّكَ " . قَالَ ثُمَّ مَنْ قَالَ " ثُمَّ أَبُوكَ " . قَالَ نَبِّئْنِي يَا رَسُولَ اللَّهِ عَنْ مَالِي كَيْفَ أَتَصَدَّقُ فِيهِ قَالَ " نَعَمْ وَاللَّهِ لَتُنَبَّأَنَّ أَنْ تَصَدَّقَ وَأَنْتَ صَحِيحٌ شَحِيحٌ تَأْمُلُ الْعَيْشَ وَتَخَافُ الْفَقْرَ وَلاَ تُمْهِلْ حَتَّى إِذَا بَلَغَتْ نَفْسُكَ هَاهُنَا قُلْتَ مَالِي لِفُلاَنٍ وَمَالِي لِفُلاَنٍ وَهُوَ لَهُمْ وَإِنْ كَرِهْتَ " .
Abu Hurayra (roziyallohu anhu)dan rivoyat qilinadi: Bir kishi Nabiy ﷺning oldilariga kelib: «Ey Allohning Rasuli, menga aytingchi, insonlardan qaysi biri mening yaxshi hamsuhbatligimga eng haqli?» dedi. U zot: «Ha, otang haqqi, albatta senga aytiladi. Onang», dedilar. U: «Soʻng kim?» dedi. U zot: «Soʻng onang», dedilar. U: «Soʻng kim?» dedi. U zot: «Soʻng onang», dedilar. U: «Soʻng kim?» dedi. U zot: «Soʻng otang», dedilar. U: «Ey Allohning Rasuli, menga molim haqida aytingchi, uni qanday sadaqa qilay?» dedi. U zot: «Ha, Alloh haqqi, albatta senga aytiladi. Sen sogʻlom va ochkoʻz holingda, hayotdan umidvor boʻlib, kambagʻallikdan qoʻrqib turganingda sadaqa qil. Joning halqumga yetib: ‹Molim falonchiga, molim falonchiga›, deydigan holga kelguningcha kechiktirma. (U paytda) mol, garchi sen istamasang ham, oʻshalarniki boʻlib boʻlgan boʻladi», dedilar.Абу Ҳурайра (розияллоҳу анҳу)дан ривоят қилинади: Бир киши Набий ﷺнинг олдиларига келиб: «Эй Аллоҳнинг Расули, менга айтингчи, инсонлардан қайси бири менинг яхши ҳамсуҳбатлигимга энг ҳақли?» деди. У зот: «Ҳа, отанг ҳаққи, албатта сенга айтилади. Онанг», дедилар. У: «Сўнг ким?» деди. У зот: «Сўнг онанг», дедилар. У: «Сўнг ким?» деди. У зот: «Сўнг онанг», дедилар. У: «Сўнг ким?» деди. У зот: «Сўнг отанг», дедилар. У: «Эй Аллоҳнинг Расули, менга молим ҳақида айтингчи, уни қандай садақа қилай?» деди. У зот: «Ҳа, Аллоҳ ҳаққи, албатта сенга айтилади. Сен соғлом ва очкўз ҳолингда, ҳаётдан умидвор бўлиб, камбағалликдан қўрқиб турганингда садақа қил. Жонинг ҳалқумга етиб: ‹Молим фалончига, молим фалончига›, дейдиган ҳолга келгунингча кечиктирма. (У пайтда) мол, гарчи сен истамасанг ҳам, ўшаларники бўлиб бўлган бўлади», дедилар.