Ibn Umar (roziyallohu anhumo)dan rivoyat qilinadi: Rasululloh ﷺ oʻzlari qilgan hajda nahr kuni jamaralar orasida turdilar. Nabiy ﷺ: «Bu qaysi kun?» dedilar. Ular: «Nahr kuni», dedilar. U zot: «Bu qaysi shahar?» dedilar. Ular: «Bu Allohning haram shahri», dedilar. U zot: «Bu qaysi oy?» dedilar. Ular: «Allohning haram oyi», dedilar. U zot: «Bu katta haj kunidir. Qonlaringiz, mollaringiz va obroʻlaringiz oʻzaro bu oydagi, bu kundagi bu shaharning hurmati kabi harom (muqaddas)dir», dedilar. Soʻng: «Yetkazdimmi?» dedilar. Ular: «Ha», dedilar. Shunda Nabiy ﷺ: «Ey Alloh, guvoh boʻl», deya boshladilar. Soʻng odamlar bilan vidolashdilar. Ular esa: «Bu Vidolashuv hajjidir», dedilar.Ибн Умар (розияллоҳу анҳумо)дан ривоят қилинади: Расулуллоҳ ﷺ ўзлари қилган ҳажда наҳр куни жамаралар орасида турдилар. Набий ﷺ: «Бу қайси кун?» дедилар. Улар: «Наҳр куни», дедилар. У зот: «Бу қайси шаҳар?» дедилар. Улар: «Бу Аллоҳнинг ҳарам шаҳри», дедилар. У зот: «Бу қайси ой?» дедилар. Улар: «Аллоҳнинг ҳарам ойи», дедилар. У зот: «Бу катта ҳаж кунидир. Қонларингиз, молларингиз ва обрўларингиз ўзаро бу ойдаги, бу кундаги бу шаҳарнинг ҳурмати каби ҳаром (муқаддас)дир», дедилар. Сўнг: «Етказдимми?» дедилар. Улар: «Ҳа», дедилар. Шунда Набий ﷺ: «Эй Аллоҳ, гувоҳ бўл», дея бошладилар. Сўнг одамлар билан видолашдилар. Улар эса: «Бу Видолашув ҳажжидир», дедилар.