Anas ibn Molik (roziyallohu anhu)dan rivoyat qilinadi: Umm Sulaym Nabiy ﷺ uchun bir non tayyorladi va unga bir oz sariyogʻ qoʻshdi. Soʻng: «Nabiy ﷺ huzurlariga borib, u zotni chaqir», dedi. Men u zotning huzurlariga borib: «Onam sizni chaqiryapti», dedim. U zot oʻrinlaridan turdilar va oldilarida boʻlgan kishilarga: «Turinglar», dedilar. Men ulardan oldin onamning oldiga borib, unga xabar berdim. Soʻng Nabiy ﷺ kelib: «Tayyorlaganingni keltir», dedilar. U: «Men buni faqat sizning oʻzingiz uchun tayyorlagan edim», dedi. U zot: «Keltiraver», dedilar. Soʻng: «Ey Anas, huzurimga oʻntadan kishini kirgiz», dedilar. Men u zotning huzurlariga oʻntadan kirgizaverdim, ular toʻyguncha yedilar, ular sakson kishi edilar.Анас ибн Молик (розияллоҳу анҳу)дан ривоят қилинади: Умм Сулайм Набий ﷺ учун бир нон тайёрлади ва унга бир оз сариёғ қўшди. Сўнг: «Набий ﷺ ҳузурларига бориб, у зотни чақир», деди. Мен у зотнинг ҳузурларига бориб: «Онам сизни чақиряпти», дедим. У зот ўринларидан турдилар ва олдиларида бўлган кишиларга: «Туринглар», дедилар. Мен улардан олдин онамнинг олдига бориб, унга хабар бердим. Сўнг Набий ﷺ келиб: «Тайёрлаганингни келтир», дедилар. У: «Мен буни фақат сизнинг ўзингиз учун тайёрлаган эдим», деди. У зот: «Келтиравер», дедилар. Сўнг: «Эй Анас, ҳузуримга ўнтадан кишини киргиз», дедилар. Мен у зотнинг ҳузурларига ўнтадан киргизавердим, улар тўйгунча едилар, улар саксон киши эдилар.