حَدَّثَنَا أَبُو بَكْرٍ، حَدَّثَنَا الْحُسَيْنُ بْنُ عَلِيٍّ، عَنْ حَمْزَةَ الزَّيَّاتِ، عَنْ أَبِي إِسْحَاقَ، عَنِ الأَغَرِّ أَبِي مُسْلِمٍ، أَنَّهُ شَهِدَ عَلَى أَبِي هُرَيْرَةَ وَأَبِي سَعِيدٍ أَنَّهُمَا شَهِدَا عَلَى رَسُولِ اللَّهِ ـ صلى الله عليه وسلم ـ قَالَ " إِذَا قَالَ الْعَبْدُ لاَ إِلَهَ إِلاَّ اللَّهُ وَاللَّهُ أَكْبَرُ . قَالَ يَقُولُ اللَّهُ عَزَّ وَجَلَّ صَدَقَ عَبْدِي لاَ إِلَهَ إِلاَّ أَنَا وَأَنَا أَكْبَرُ . وَإِذَا قَالَ الْعَبْدُ لاَ إِلَهَ إِلاَّ اللَّهُ وَحْدَهُ . قَالَ صَدَقَ عَبْدِي لاَ إِلَهَ إِلاَّ أَنَا وَحْدِي . وَإِذَا قَالَ لاَ إِلَهَ إِلاَّ اللَّهُ لاَ شَرِيكَ لَهُ . قَالَ صَدَقَ عَبْدِي لاَ إِلَهَ إِلاَّ أَنَا وَلاَ شَرِيكَ لِي . وَإِذَا قَالَ لاَ إِلَهَ إِلاَّ اللَّهُ لَهُ الْمُلْكُ وَلَهُ الْحَمْدُ . قَالَ صَدَقَ عَبْدِي لاَ إِلَهَ إِلاَّ أَنَا لِيَ الْمُلْكُ وَلِيَ الْحَمْدُ . وَإِذَا قَالَ لاَ إِلَهَ إِلاَّ اللَّهُ وَلاَ حَوْلَ وَلاَ قُوَّةَ إِلاَّ بِاللَّهِ . قَالَ صَدَقَ عَبْدِي لاَ إِلَهَ إِلاَّ أَنَا وَلاَ حَوْلَ وَلاَ قُوَّةَ إِلاَّ بِي " . قَالَ أَبُو إِسْحَاقَ ثُمَّ قَالَ الأَغَرُّ شَيْئًا لَمْ أَفْهَمْهُ . قَالَ فَقُلْتُ لأَبِي جَعْفَرٍ مَا قَالَ فَقَالَ مَنْ رُزِقَهُنَّ عِنْدَ مَوْتِهِ لَمْ تَمَسَّهُ النَّارُ .
Abu Hurayra (roziyallohu anhu)dan rivoyat qilinadi: Rasululloh ﷺ shunday dedilar: «Banda: ‹La ilaha illallohu vallohu akbar› (Allohdan oʻzga haq maʼbud yoʻq va Alloh eng ulugʻdir), desa, Alloh azza va jalla: ‹Bandam rost aytdi, Mendan oʻzga haq maʼbud yoʻq va Men eng ulugʻdirman›, deydi. Banda: ‹La ilaha illalloh vahdah› (Allohdan oʻzga haq maʼbud yoʻq, U yolgʻizdir), desa, Alloh: ‹Bandam rost aytdi, Mendan oʻzga haq maʼbud yoʻq, Men yolgʻizman›, deydi. Banda: ‹La ilaha illalloh la sharika lah› (Allohdan oʻzga haq maʼbud yoʻq, Uning sherigi yoʻq), desa, Alloh: ‹Bandam rost aytdi, Mendan oʻzga haq maʼbud yoʻq, Mening sherigim yoʻq›, deydi. Banda: ‹La ilaha illalloh lahul-mulku va lahul-hamd› (Allohdan oʻzga haq maʼbud yoʻq, mulk Unikidir va hamd Unikidir), desa, Alloh: ‹Bandam rost aytdi, Mendan oʻzga haq maʼbud yoʻq, mulk Meniki va hamd Menikidir›, deydi. Banda: ‹La ilaha illalloh va la havla va la quvvata illa billah› (Allohdan oʻzga haq maʼbud yoʻq, gunohdan qaytish ham, toat qilishga quvvat ham faqat Alloh bilandir), desa, Alloh: ‹Bandam rost aytdi, Mendan oʻzga haq maʼbud yoʻq, gunohdan qaytish ham, quvvat ham faqat Men bilandir›, deydi». Soʻng al-Agʻarr men tushunmagan bir narsani aytdi. Men Abu Jaʼfarga: «U nima dedi?», dedim. U: «Kim oʻlimi paytida bularni aytish nasib etilsa, unga oʻt tegmaydi», dedi.Абу Ҳурайра (розияллоҳу анҳу)дан ривоят қилинади: Расулуллоҳ ﷺ шундай дедилар: «Банда: ‹Ла илаҳа иллаллоҳу валлоҳу акбар› (Аллоҳдан ўзга ҳақ маъбуд йўқ ва Аллоҳ энг улуғдир), деса, Аллоҳ азза ва жалла: ‹Бандам рост айтди, Мендан ўзга ҳақ маъбуд йўқ ва Мен энг улуғдирман›, дейди. Банда: ‹Ла илаҳа иллаллоҳ ваҳдаҳ› (Аллоҳдан ўзга ҳақ маъбуд йўқ, У ёлғиздир), деса, Аллоҳ: ‹Бандам рост айтди, Мендан ўзга ҳақ маъбуд йўқ, Мен ёлғизман›, дейди. Банда: ‹Ла илаҳа иллаллоҳ ла шарика лаҳ› (Аллоҳдан ўзга ҳақ маъбуд йўқ, Унинг шериги йўқ), деса, Аллоҳ: ‹Бандам рост айтди, Мендан ўзга ҳақ маъбуд йўқ, Менинг шеригим йўқ›, дейди. Банда: ‹Ла илаҳа иллаллоҳ лаҳул-мулку ва лаҳул-ҳамд› (Аллоҳдан ўзга ҳақ маъбуд йўқ, мулк Уникидир ва ҳамд Уникидир), деса, Аллоҳ: ‹Бандам рост айтди, Мендан ўзга ҳақ маъбуд йўқ, мулк Меники ва ҳамд Меникидир›, дейди. Банда: ‹Ла илаҳа иллаллоҳ ва ла ҳавла ва ла қуввата илла биллаҳ› (Аллоҳдан ўзга ҳақ маъбуд йўқ, гуноҳдан қайтиш ҳам, тоат қилишга қувват ҳам фақат Аллоҳ биландир), деса, Аллоҳ: ‹Бандам рост айтди, Мендан ўзга ҳақ маъбуд йўқ, гуноҳдан қайтиш ҳам, қувват ҳам фақат Мен биландир›, дейди». Сўнг ал-Ағарр мен тушунмаган бир нарсани айтди. Мен Абу Жаъфарга: «У нима деди?», дедим. У: «Ким ўлими пайтида буларни айтиш насиб этилса, унга ўт тегмайди», деди.