Talha ibn Ubaydulloh (roziyallohu anhu)dan rivoyat qilinadi: Umar (roziyallohu anhu) Rasululloh ﷺ vafotlaridan soʻng Talhaning yonidan oʻtib qoldi va: «Nega gʻamgin koʻrinasan? Amakivachchangning amirligi seni xafa qildimi?», dedi. U: «Yoʻq, lekin men Rasululloh ﷺ: ‹Men shunday bir kalimani bilamanki, uni hech bir kishi oʻlimi paytida aytmaydiki, magar u kishining amal daftariga nur boʻladi va uning jasadi hamda ruhi oʻlim paytida undan rohat topadi›, deganlarini eshitgandim. Ammo u zot vafot etgunlaricha bu haqda soʻrolmadim», dedi. Umar: «Men uni bilaman. U — u zotning amakisidan aytishini istagan kalimasidir. Agar u zot bundan koʻra u uchun qutqaruvchiroq narsa borligini bilsalar, unga oʻshani buyurgan boʻlar edilar», dedi.Талҳа ибн Убайдуллоҳ (розияллоҳу анҳу)дан ривоят қилинади: Умар (розияллоҳу анҳу) Расулуллоҳ ﷺ вафотларидан сўнг Талҳанинг ёнидан ўтиб қолди ва: «Нега ғамгин кўринасан? Амакиваччангнинг амирлиги сени хафа қилдими?», деди. У: «Йўқ, лекин мен Расулуллоҳ ﷺ: ‹Мен шундай бир калимани биламанки, уни ҳеч бир киши ўлими пайтида айтмайдики, магар у кишининг амал дафтарига нур бўлади ва унинг жасади ҳамда руҳи ўлим пайтида ундан роҳат топади›, деганларини эшитгандим. Аммо у зот вафот этгунларича бу ҳақда сўролмадим», деди. Умар: «Мен уни биламан. У — у зотнинг амакисидан айтишини истаган калимасидир. Агар у зот бундан кўра у учун қутқарувчироқ нарса борлигини билсалар, унга ўшани буюрган бўлар эдилар», деди.