Nuʼmon ibn Bashir (roziyallohu anhu)dan rivoyat qilinadi: U minbar ustida ikki barmogʻi bilan quloqlariga ishora qilib turib: «Men Rasulullohning ﷺ shunday deganlarini eshitdim», dedi. Rasululloh ﷺ: «Halol ochiq-oydin, harom ham ochiq-oydin, bu ikkisining orasida shubhali ishlar bor, ularni koʻp odamlar bilmaydi. Kim shubhali ishlardan saqlansa, oʻz dinini va obroʻsini asragan boʻladi. Kim shubhali ishlarga tushib qolsa, haromga tushib qoladi. U qoʻriqxona atrofida podasini boqib yurgan choʻponga oʻxshaydi, hademay podasi uning ichiga kirib ketishga yaqin turadi. Ogoh boʻlinglar, har bir podshohning qoʻriqxonasi bordir. Ogoh boʻlinglar, Allohning qoʻriqxonasi Uning haromlaridir. Ogoh boʻlinglar, tanada bir parcha goʻsht bor, u sogʻ boʻlsa butun tan sogʻ boʻladi, u buzuq boʻlsa butun tan buzuq boʻladi. Ogoh boʻlinglar, u qalbdir», dedilar.Нуъмон ибн Башир (розияллоҳу анҳу)дан ривоят қилинади: У минбар устида икки бармоғи билан қулоқларига ишора қилиб туриб: «Мен Расулуллоҳнинг ﷺ шундай деганларини эшитдим», деди. Расулуллоҳ ﷺ: «Ҳалол очиқ-ойдин, ҳаром ҳам очиқ-ойдин, бу иккисининг орасида шубҳали ишлар бор, уларни кўп одамлар билмайди. Ким шубҳали ишлардан сақланса, ўз динини ва обрўсини асраган бўлади. Ким шубҳали ишларга тушиб қолса, ҳаромга тушиб қолади. У қўриқхона атрофида подасини боқиб юрган чўпонга ўхшайди, ҳадемай подаси унинг ичига кириб кетишга яқин туради. Огоҳ бўлинглар, ҳар бир подшоҳнинг қўриқхонаси бордир. Огоҳ бўлинглар, Аллоҳнинг қўриқхонаси Унинг ҳаромларидир. Огоҳ бўлинглар, танада бир парча гўшт бор, у соғ бўлса бутун тан соғ бўлади, у бузуқ бўлса бутун тан бузуқ бўлади. Огоҳ бўлинглар, у қалбдир», дедилар.