Abu Hurayra (roziyallohu anhu)dan rivoyat qilinadi: Bir kuni Rasululloh ﷺ odamlarga koʻrinib turgan edilar. Bir kishi kelib: «Ey Rasululloh, qiyomat qachon boʻladi?» dedi. U zot: «Bu haqda soʻralgan kishi soʻragandan koʻra biladigan emas. Lekin men senga uning alomatlaridan xabar beray: Choʻri oʻz bekasini tuqqanida, bu uning alomatlaridandir. Yalangoyoq, yalangʻoch kimsalar odamlarning boshligʻi boʻlganida, bu uning alomatlaridandir. Qoʻy boquvchilar bino qurishda bir-biri bilan bellashganida, bu uning alomatlaridandir. (Qiyomat) beshta narsa ichida boʻlib, ularni Allohdan boshqa hech kim bilmaydi», dedilar. Soʻng Rasululloh ﷺ: {Albatta, qiyomat (haqidagi) ilm Allohning huzuridadir. U yomgʻirni yogʻdiradi va bachadonlardagini biladi} oyatini tilovat qildilar.Абу Ҳурайра (розияллоҳу анҳу)дан ривоят қилинади: Бир куни Расулуллоҳ ﷺ одамларга кўриниб турган эдилар. Бир киши келиб: «Эй Расулуллоҳ, қиёмат қачон бўлади?» деди. У зот: «Бу ҳақда сўралган киши сўрагандан кўра биладиган эмас. Лекин мен сенга унинг аломатларидан хабар берай: Чўри ўз бекасини туққанида, бу унинг аломатларидандир. Ялангоёқ, яланғоч кимсалар одамларнинг бошлиғи бўлганида, бу унинг аломатларидандир. Қўй боқувчилар бино қуришда бир-бири билан беллашганида, бу унинг аломатларидандир. (Қиёмат) бешта нарса ичида бўлиб, уларни Аллоҳдан бошқа ҳеч ким билмайди», дедилар. Сўнг Расулуллоҳ ﷺ: {Албатта, қиёмат (ҳақидаги) илм Аллоҳнинг ҳузуридадир. У ёмғирни ёғдиради ва бачадонлардагини билади} оятини тиловат қилдилар.