Amr ibn Avf (roziyallohu anhu)dan rivoyat qilinadi: Rasululloh ﷺ: «Musulmonlarning eng yaqin chegara qoʻriqxonasi Bavloʻda boʻlmaguncha, qiyomat qoyim boʻlmaydi», dedilar. Soʻng: «Ey Ali, ey Ali, ey Ali», dedilar. U: «Otam-onam sizga fido boʻlsin», dedi. U zot: «Sizlar Bani Asfar (rumliklar) bilan urushasizlar, sizlardan keyingilar ham ular bilan urushadilar, toki ularga qarshi islomning eng yaxshi kishilari — Alloh yoʻlida hech bir malomatchining malomatidan qoʻrqmaydigan hijozliklar chiqadilar. Ular tasbeh va takbir bilan Qustantiniyani fath etadilar va shu qadar oʻljalarga erishadilarki, bunday oʻljaga ilgari erishmagan edilar, hatto ularni qalqonlar bilan boʻlishadilar. Shunda bir kishi kelib: ‹Masih sizlarning yurtlaringizda chiqibdi›, deydi. Bilingki, bu yolgʻondir. Bas, (oʻljadan) olgan kishi ham pushaymon boʻladi, tashlab ketgan kishi ham pushaymon boʻladi», dedilar.Амр ибн Авф (розияллоҳу анҳу)дан ривоят қилинади: Расулуллоҳ ﷺ: «Мусулмонларнинг энг яқин чегара қўриқхонаси Бавлўда бўлмагунча, қиёмат қойим бўлмайди», дедилар. Сўнг: «Эй Али, эй Али, эй Али», дедилар. У: «Отам-онам сизга фидо бўлсин», деди. У зот: «Сизлар Бани Асфар (румликлар) билан урушасизлар, сизлардан кейингилар ҳам улар билан урушадилар, токи уларга қарши исломнинг энг яхши кишилари — Аллоҳ йўлида ҳеч бир маломатчининг маломатидан қўрқмайдиган ҳижозликлар чиқадилар. Улар тасбеҳ ва такбир билан Қустантинияни фатҳ этадилар ва шу қадар ўлжаларга эришадиларки, бундай ўлжага илгари эришмаган эдилар, ҳатто уларни қалқонлар билан бўлишадилар. Шунда бир киши келиб: ‹Масиҳ сизларнинг юртларингизда чиқибди›, дейди. Билингки, бу ёлғондир. Бас, (ўлжадан) олган киши ҳам пушаймон бўлади, ташлаб кетган киши ҳам пушаймон бўлади», дедилар.