Umar ibn al-Xattob (roziyallohu anhu)dan rivoyat qilinadi: «Men Rasululloh ﷺ huzurlariga kirdim, u zot boʻyra ustida edilar. Men oʻtirdim. U zotning egnilarida izor bor edi, undan boshqa narsa yoʻq edi. Boʻyra u zotning yonlarida iz qoldirgan edi. Bir siqim, taxminan bir soʻcha arpani va bir chetda oshlovchi barglarni koʻrdim, osilgan teri ham bor edi. Bas, koʻzlarimdan yosh oqib ketdi. U zot: ‹Nima seni yigʻlatyapti, ey Xattobning oʻgʻli?› dedilar. Men: ‹Ey Allohning Paygʻambari, nega yigʻlamay, mana bu boʻyra yoningizda iz qoldirgan, mana bu xazinangizda esa koʻrayotganimdan boshqa narsani koʻrmayapman. Kisro va Qaysar mevalar va daryolar ichida-yu, siz Allohning Paygʻambari va Uning tanlagan bandasisiz, xazinangiz esa mana shu›, dedim. U zot: ‹Ey Xattobning oʻgʻli, oxirat bizniki, dunyo ularniki boʻlishiga rozi boʻlmaysanmi?› dedilar. Men: ‹Ha, rozi boʻldim›, dedim», dedilar.Умар ибн ал-Хаттоб (розияллоҳу анҳу)дан ривоят қилинади: «Мен Расулуллоҳ ﷺ ҳузурларига кирдим, у зот бўйра устида эдилар. Мен ўтирдим. У зотнинг эгниларида изор бор эди, ундан бошқа нарса йўқ эди. Бўйра у зотнинг ёнларида из қолдирган эди. Бир сиқим, тахминан бир сўча арпани ва бир четда ошловчи баргларни кўрдим, осилган тери ҳам бор эди. Бас, кўзларимдан ёш оқиб кетди. У зот: ‹Нима сени йиғлатяпти, эй Хаттобнинг ўғли?› дедилар. Мен: ‹Эй Аллоҳнинг Пайғамбари, нега йиғламай, мана бу бўйра ёнингизда из қолдирган, мана бу хазинангизда эса кўраётганимдан бошқа нарсани кўрмаяпман. Кисро ва Қайсар мевалар ва дарёлар ичида-ю, сиз Аллоҳнинг Пайғамбари ва Унинг танлаган бандасисиз, хазинангиз эса мана шу›, дедим. У зот: ‹Эй Хаттобнинг ўғли, охират бизники, дунё уларники бўлишига рози бўлмайсанми?› дедилар. Мен: ‹Ҳа, рози бўлдим›, дедим», дедилар.