حَدَّثَنَا أَبُو عُمَرَ، حَفْصُ بْنُ عَمْرٍو وَعَبْدُ الرَّحْمَنِ بْنُ عُمَرَ قَالاَ حَدَّثَنَا عَبْدُ الرَّحْمَنِ بْنُ مَهْدِيٍّ، حَدَّثَنَا سُفْيَانُ، عَنْ مَنْصُورٍ، عَنْ إِبْرَاهِيمَ، عَنْ عَلْقَمَةَ، عَنْ عَبْدِ اللَّهِ، قَالَ لَعَنَ رَسُولُ اللَّهِ ـ صلى الله عليه وسلم ـ الْوَاشِمَاتِ وَالْمُسْتَوْشِمَاتِ وَالْمُتَنَمِّصَاتِ وَالْمُتَفَلِّجَاتِ لِلْحُسْنِ الْمُغَيِّرَاتِ لِخَلْقِ اللَّهِ . فَبَلَغَ ذَلِكَ امْرَأَةً مِنْ بَنِي أَسَدٍ يُقَالُ لَهَا أُمُّ يَعْقُوبَ فَجَاءَتْ إِلَيْهِ فَقَالَتْ بَلَغَنِي عَنْكَ أَنَّكَ قُلْتَ كَيْتَ وَكَيْتَ . قَالَ وَمَالِي لاَ أَلْعَنُ مَنْ لَعَنَ رَسُولُ اللَّهِ ـ صلى الله عليه وسلم ـ وَهُوَ فِي كِتَابِ اللَّهِ قَالَتْ إِنِّي لأَقْرَأُ مَا بَيْنَ لَوْحَيْهِ فَمَا وَجَدْتُهُ . قَالَ إِنْ كُنْتِ قَرَأْتِهِ فَقَدْ وَجَدْتِهِ أَمَا قَرَأْتِ {وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا} قَالَتْ بَلَى . قَالَ فَإِنَّ رَسُولَ اللَّهِ ـ صلى الله عليه وسلم ـ قَدْ نَهَى عَنْهُ . قَالَتْ فَإِنِّي لأَظُنُّ أَهْلَكَ يَفْعَلُونَ . قَالَ اذْهَبِي فَانْظُرِي . فَذَهَبَتْ فَنَظَرَتْ فَلَمْ تَرَ مِنْ حَاجَتِهَا شَيْئًا . قَالَتْ مَا رَأَيْتُ شَيْئًا . قَالَ عَبْدُ اللَّهِ لَوْ كَانَتْ كَمَا تَقُولِينَ مَا جَامَعَتْنَا .
Abdulloh ibn Masʼud (roziyallohu anhu)dan rivoyat qilinadi: Rasululloh ﷺ tatuirlaydigan va tatuirlatadigan, goʻzallik uchun qoshini yuladigan va tishlarini siyraklashtirib Allohning yaratganini oʻzgartiradigan ayollarni laʼnatladilar. Bu gap Bani Asaddan Ummu Yaʼqub ismli bir ayolga yetdi. U Abdullohning oldiga kelib: «Sen ana-mana debsan, deb menga xabar yetdi», dedi. U: «Nega men Rasululloh ﷺ laʼnatlagan va Allohning Kitobida boʻlgan kimsani laʼnatlamas ekanman?» dedi. Ayol: «Men Mushafning ikki muqovasi orasidagini oʻqiganman, ammo uni topmadim», dedi. U: «Agar oʻqigan boʻlsang, uni topgan boʻlarding. {Paygʻambar sizga nimani bergan boʻlsa, uni oling va u sizni nimadan qaytargan boʻlsa, undan qayting} degan oyatni oʻqimadingmi?» dedi. Ayol: «Ha, oʻqidim», dedi. U: «Rasululloh ﷺ bundan qaytarganlar-ku», dedi. Ayol: «Men sening oilang ham buni qilayotgandir deb oʻylayman», dedi. U: «Borib qaragin», dedi. Ayol borib qaradi, oʻzi izlagan narsadan hech nima koʻrmadi. U: «Hech nima koʻrmadim», dedi. Abdulloh: «Agar u sen aytayotgandek boʻlganida, biz bilan birga yashamas edi», dedi.Абдуллоҳ ибн Масъуд (розияллоҳу анҳу)дан ривоят қилинади: Расулуллоҳ ﷺ татуирлайдиган ва татуирлатадиган, гўзаллик учун қошини юладиган ва тишларини сийраклаштириб Аллоҳнинг яратганини ўзгартирадиган аёлларни лаънатладилар. Бу гап Бани Асаддан Умму Яъқуб исмли бир аёлга етди. У Абдуллоҳнинг олдига келиб: «Сен ана-мана дебсан, деб менга хабар етди», деди. У: «Нега мен Расулуллоҳ ﷺ лаънатлаган ва Аллоҳнинг Китобида бўлган кимсани лаънатламас эканман?» деди. Аёл: «Мен Мушафнинг икки муқоваси орасидагини ўқиганман, аммо уни топмадим», деди. У: «Агар ўқиган бўлсанг, уни топган бўлардинг. {Пайғамбар сизга нимани берган бўлса, уни олинг ва у сизни нимадан қайтарган бўлса, ундан қайтинг} деган оятни ўқимадингми?» деди. Аёл: «Ҳа, ўқидим», деди. У: «Расулуллоҳ ﷺ бундан қайтарганлар-ку», деди. Аёл: «Мен сенинг оиланг ҳам буни қилаётгандир деб ўйлайман», деди. У: «Бориб қарагин», деди. Аёл бориб қаради, ўзи излаган нарсадан ҳеч нима кўрмади. У: «Ҳеч нима кўрмадим», деди. Абдуллоҳ: «Агар у сен айтаётгандек бўлганида, биз билан бирга яшамас эди», деди.