حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا إِسْمَاعِيلُ ابْنُ عُلَيَّةَ، عَنْ أَبِي حَيَّانَ، عَنْ أَبِي زُرْعَةَ، عَنْ أَبِي هُرَيْرَةَ، قَالَ كَانَ رَسُولُ اللَّهِ ـ صلى الله عليه وسلم ـ يَوْمًا بَارِزًا لِلنَّاسِ . فَأَتَاهُ رَجُلٌ فَقَالَ يَا رَسُولَ اللَّهِ مَا الإِيمَانُ قَالَ " أَنْ تُؤْمِنَ بِاللَّهِ وَمَلاَئِكَتِهِ وَكُتُبِهِ وَرُسُلِهِ وَلِقَائِهِ وَتُؤْمِنَ بِالْبَعْثِ الآخِرِ " . قَالَ يَا رَسُولَ اللَّهِ مَا الإِسْلاَمُ قَالَ " أَنْ تَعْبُدَ اللَّهَ وَلاَ تُشْرِكَ بِهِ شَيْئًا وَتُقِيمَ الصَّلاَةَ الْمَكْتُوبَةَ وَتُؤْتِيَ الزَّكَاةَ الْمَفْرُوضَةَ وَتَصُومَ رَمَضَانَ " . قَالَ يَا رَسُولَ اللَّهِ مَا الإِحْسَانُ قَالَ " أَنْ تَعْبُدَ اللَّهَ كَأَنَّكَ تَرَاهُ فَإِنَّكَ إِنْ لاَ تَرَاهُ فَإِنَّهُ يَرَاكَ " . قَالَ يَا رَسُولَ اللَّهِ مَتَى السَّاعَةُ قَالَ " مَا الْمَسْئُولُ عَنْهَا بِأَعْلَمَ مِنَ السَّائِلِ وَلَكِنْ سَأُحَدِّثُكَ عَنْ أَشْرَاطِهَا إِذَا وَلَدَتِ الأَمَةُ رَبَّتَهَا فَذَلِكَ مِنْ أَشْرَاطِهَا وَإِذَا تَطَاوَلَ رِعَاءُ الْغَنَمِ فِي الْبُنْيَانِ فَذَلِكَ مِنْ أَشْرَاطِهَا فِي خَمْسٍ لاَ يَعْلَمُهُنَّ إِلاَّ اللَّهُ " . فَتَلاَ رَسُولُ اللَّهِ ـ صلى الله عليه وسلم ـ {إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الأَرْحَامِ وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَىِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ} .
Abu Hurayra (roziyallohu anhu)dan rivoyat qilinadi: «Bir kuni Rasululloh ﷺ odamlar oldida namoyon boʻlib turgan edilar. Bir kishi kelib: ‹Ey Allohning Rasuli, iymon nima?› dedi. U zot: ‹Allohga, Uning farishtalariga, kitoblariga, elchilariga va Unga roʻbaroʻ boʻlishga iymon keltirishing hamda oxirgi qayta tirilishga iymon keltirishingdir›, dedilar. U: ‹Ey Allohning Rasuli, Islom nima?› dedi. U zot: ‹Allohga ibodat qilishing va Unga hech narsani sherik qilmasliging, farz namozni toʻkis ado etishing, farz zakotni berishing va Ramazon roʻzasini tutishingdir›, dedilar. U: ‹Ey Allohning Rasuli, ehson nima?› dedi. U zot: ‹Allohga, Uni koʻrayotgandek ibodat qilishingdir. Sen Uni koʻrmasang ham, U seni koʻrib turadi›, dedilar. U: ‹Ey Allohning Rasuli, qiyomat qachon boʻladi?› dedi. U zot: ‹Bu haqda soʻralayotgan kishi soʻrayotgan kishidan koʻra bilguvchiroq emas. Lekin men senga uning alomatlaridan xabar beraman: choʻri oʻz bekasini tugʻsa, bu uning alomatlaridandir; qoʻy choʻponlari binolar qurishda bir-birlaridan oshib ketsalar, bu ham uning alomatlaridandir. Beshta narsa borki, ularni Allohdan oʻzga hech kim bilmaydi›, dedilar». Soʻng Rasululloh ﷺ: {Albatta, qiyomat (haqidagi) ilm Allohning huzuridadir. U yomgʻirni yogʻdiradi va bachadonlardagi narsani biladi. Hech bir jon ertaga nima kasb qilishini bilmas va hech bir jon qaysi yerda oʻlishini bilmas. Albatta, Alloh biluvchi va xabardordir} oyatini oʻqidilar.Абу Ҳурайра (розияллоҳу анҳу)дан ривоят қилинади: «Бир куни Расулуллоҳ ﷺ одамлар олдида намоён бўлиб турган эдилар. Бир киши келиб: ‹Эй Аллоҳнинг Расули, иймон нима?› деди. У зот: ‹Аллоҳга, Унинг фаришталарига, китобларига, элчиларига ва Унга рўбарў бўлишга иймон келтиришинг ҳамда охирги қайта тирилишга иймон келтиришингдир›, дедилар. У: ‹Эй Аллоҳнинг Расули, Ислом нима?› деди. У зот: ‹Аллоҳга ибодат қилишинг ва Унга ҳеч нарсани шерик қилмаслигинг, фарз намозни тўкис адо этишинг, фарз закотни беришинг ва Рамазон рўзасини тутишингдир›, дедилар. У: ‹Эй Аллоҳнинг Расули, эҳсон нима?› деди. У зот: ‹Аллоҳга, Уни кўраётгандек ибодат қилишингдир. Сен Уни кўрмасанг ҳам, У сени кўриб туради›, дедилар. У: ‹Эй Аллоҳнинг Расули, қиёмат қачон бўлади?› деди. У зот: ‹Бу ҳақда сўралаётган киши сўраётган кишидан кўра билгувчироқ эмас. Лекин мен сенга унинг аломатларидан хабар бераман: чўри ўз бекасини туғса, бу унинг аломатларидандир; қўй чўпонлари бинолар қуришда бир-бирларидан ошиб кетсалар, бу ҳам унинг аломатларидандир. Бешта нарса борки, уларни Аллоҳдан ўзга ҳеч ким билмайди›, дедилар». Сўнг Расулуллоҳ ﷺ: {Албатта, қиёмат (ҳақидаги) илм Аллоҳнинг ҳузуридадир. У ёмғирни ёғдиради ва бачадонлардаги нарсани билади. Ҳеч бир жон эртага нима касб қилишини билмас ва ҳеч бир жон қайси ерда ўлишини билмас. Албатта, Аллоҳ билувчи ва хабардордир} оятини ўқидилар.