Abdulloh ibn Masʼud (roziyallohu anhu)dan rivoyat qilinadi: Rost soʻzlovchi va soʻzi tasdiqlangan Rasululloh ﷺ bizga soʻzlab berib, shunday dedilar: «Sizlardan biringizning yaralishi onasining qornida qirq kun jam boʻlib turadi, soʻng shuncha muddat aloqa (laxta qon) boʻladi, soʻng shuncha muddat muzgʻa (bir chaynam goʻsht) boʻladi. Soʻng Alloh unga farishtani yuboradi va u toʻrt kalima bilan buyuriladi: uning ameli, ajali, rizqi hamda baxtli yoki badbaxtligini yozishga amr etiladi. Jonim qoʻlida boʻlgan Zot bilan qasamki, sizlardan biringiz jannat ahlining ameli bilan amal qiladi, hatto u bilan jannat orasida bir tirsakcha masofa qolganida, unga taqdir yozuvi oʻzib ketadi-da, u doʻzax ahlining ameli bilan amal qilib, doʻzaxga kiradi. Va sizlardan biringiz doʻzax ahlining ameli bilan amal qiladi, hatto u bilan doʻzax orasida bir tirsakcha masofa qolganida, unga taqdir yozuvi oʻzib ketadi-da, u jannat ahlining ameli bilan amal qilib, jannatga kiradi», dedilar.Абдуллоҳ ибн Масъуд (розияллоҳу анҳу)дан ривоят қилинади: Рост сўзловчи ва сўзи тасдиқланган Расулуллоҳ ﷺ бизга сўзлаб бериб, шундай дедилар: «Сизлардан бирингизнинг яралиши онасининг қорнида қирқ кун жам бўлиб туради, сўнг шунча муддат алоқа (лахта қон) бўлади, сўнг шунча муддат музға (бир чайнам гўшт) бўлади. Сўнг Аллоҳ унга фариштани юборади ва у тўрт калима билан буюрилади: унинг амели, ажали, ризқи ҳамда бахтли ёки бадбахтлигини ёзишга амр этилади. Жоним қўлида бўлган Зот билан қасамки, сизлардан бирингиз жаннат аҳлининг амели билан амал қилади, ҳатто у билан жаннат орасида бир тирсакча масофа қолганида, унга тақдир ёзуви ўзиб кетади-да, у дўзах аҳлининг амели билан амал қилиб, дўзахга киради. Ва сизлардан бирингиз дўзах аҳлининг амели билан амал қилади, ҳатто у билан дўзах орасида бир тирсакча масофа қолганида, унга тақдир ёзуви ўзиб кетади-да, у жаннат аҳлининг амели билан амал қилиб, жаннатга киради», дедилар.