Abu Hurayra (roziyallohu anhu)dan rivoyat qilinadi: Kambagʻal kishilar Rasululloh ﷺning oldilariga kelib: ‹Katta mol-dunyo egalari yuqori darajalarga va doimiy (jannat) neʼmatlariga erishdi: ular biz namoz oʻqiganday namoz oʻqiydi, biz roʻza tutganday roʻza tutadi; ularning ortiqcha moli bor — u bilan haj va umra qiladi, jihod qiladi va sadaqa beradi›, dedilar. U zot: «Sizlarga bir ishni aytaymi — uni tutsangiz, sizdan oʻtib ketganlarga yetib olasiz va sizdan keyin hech kim sizga yeta olmaydi; siz oʻzingiz orasida yashagan kishilarning eng yaxshisi boʻlasiz — faqat sizning amalingizday amal qilgan kishi mustasno: har namoz ortidan oʻttiz uch martadan tasbeh, hamd va takbir aytasiz», dedilar. (Abu Hurayra) dedi: Soʻng biz oʻzaro ixtilof qildik; baʼzilarimiz: ‹Oʻttiz uch marta tasbeh, oʻttiz uch marta hamd va oʻttiz toʻrt marta takbir aytamiz›, dedi. Men u zotning oldilariga qaytdim; u zot: «Subhanalloh, alhamdulillah va Allohu akbar deb, ularning har birini oʻttiz uchtaga yetkazasan», dedilar.Абу Ҳурайра (розияллоҳу анҳу)дан ривоят қилинади: Камбағал кишилар Расулуллоҳ ﷺнинг олдиларига келиб: ‹Катта мол-дунё эгалари юқори даражаларга ва доимий (жаннат) неъматларига эришди: улар биз намоз ўқигандай намоз ўқийди, биз рўза тутгандай рўза тутади; уларнинг ортиқча моли бор — у билан ҳаж ва умра қилади, жиҳод қилади ва садақа беради›, дедилар. У зот: «Сизларга бир ишни айтайми — уни тутсангиз, сиздан ўтиб кетганларга етиб оласиз ва сиздан кейин ҳеч ким сизга ета олмайди; сиз ўзингиз орасида яшаган кишиларнинг энг яхшиси бўласиз — фақат сизнинг амалингиздай амал қилган киши мустасно: ҳар намоз ортидан ўттиз уч мартадан тасбеҳ, ҳамд ва такбир айтасиз», дедилар. (Абу Ҳурайра) деди: Сўнг биз ўзаро ихтилоф қилдик; баъзиларимиз: ‹Ўттиз уч марта тасбеҳ, ўттиз уч марта ҳамд ва ўттиз тўрт марта такбир айтамиз›, деди. Мен у зотнинг олдиларига қайтдим; у зот: «Субҳаналлоҳ, алҳамдулиллаҳ ва Аллоҳу акбар деб, уларнинг ҳар бирини ўттиз учтага етказасан», дедилар.