Abu Hurayra (roziyallohu anhu) aytadi: Rasululloh ﷺ bir qoʻshinni joʻnatdilar, ular bir necha kishi edi. Rasululloh ﷺ ularni chaqirib: «Sen bilan Qurʼondan nima bor?» dedilar va ularning har biridan oʻqitdilar, hatto ulardan eng yoshi kichigining oldiga kelib: «Ey falon, sen bilan nima bor?» dedilar. U: «Men bilan ana u-bunisi va Baqara surasi bor», dedi. U zot: «Sen bilan Baqara surasi bormi?» dedilar. U: «Ha», dedi. U zot: «Bor, sen ularning amirisan», dedilar. Shunda ularning ashroflaridan boʻlgan bir kishi: «Falon Zotga qasamki, ey Rasululloh, meni Qurʼonni oʻrganishdan unga (amal qila) turolmaslik qoʻrquvigina toʻsib qoldi», dedi. Rasululloh ﷺ: «Qurʼonni oʻrgan, uni oʻqi va uxla. Zero, Qurʼonni oʻrganib, uni oʻqib va unga amal qilgan kishining misoli — misk ila toʻldirilgan, hidi har joyga taralib turadigan xaltaning misolidir. Uni oʻrganib, soʻng u ichida boʻlgan holda uxlab yotgan kishining misoli esa — misk ustidan bogʻlab qoʻyilgan xaltaning misolidir», dedilar.Абу Ҳурайра (розияллоҳу анҳу) айтади: Расулуллоҳ ﷺ бир қўшинни жўнатдилар, улар бир неча киши эди. Расулуллоҳ ﷺ уларни чақириб: «Сен билан Қуръондан нима бор?» дедилар ва уларнинг ҳар биридан ўқитдилар, ҳатто улардан энг ёши кичигининг олдига келиб: «Эй фалон, сен билан нима бор?» дедилар. У: «Мен билан ана у-буниси ва Бақара сураси бор», деди. У зот: «Сен билан Бақара сураси борми?» дедилар. У: «Ҳа», деди. У зот: «Бор, сен уларнинг амирисан», дедилар. Шунда уларнинг ашрофларидан бўлган бир киши: «Фалон Зотга қасамки, эй Расулуллоҳ, мени Қуръонни ўрганишдан унга (амал қила) туролмаслик қўрқувигина тўсиб қолди», деди. Расулуллоҳ ﷺ: «Қуръонни ўрган, уни ўқи ва ухла. Зеро, Қуръонни ўрганиб, уни ўқиб ва унга амал қилган кишининг мисоли — миск ила тўлдирилган, ҳиди ҳар жойга таралиб турадиган халтанинг мисолидир. Уни ўрганиб, сўнг у ичида бўлган ҳолда ухлаб ётган кишининг мисоли эса — миск устидан боғлаб қўйилган халтанинг мисолидир», дедилар.