Jobir ibn Abdulloh (roziyallohu anhumo)dan rivoyat qilinadiki, Rasululloh ﷺ Madinada toʻqqiz yil turdilar, haj qilmadilar. Soʻng hajga (chiqishlarini) eʼlon qildilar va: «Rasululloh ﷺ haj qilmoqdalar», deyildi. Shunda Madinaga koʻp odam keldi, ularning hammasi Rasululloh ﷺga ergashishni va u zot qilganidek qilishni istar edi. Rasululloh ﷺ chiqib, Zul-Hulayfa masjidiga keldilar va unda namoz oʻqidilar. Soʻng Rasululloh ﷺ chiqdilar, u zot bilan birga koʻp odam — minganu piyoda — yoʻlga tushdi, ularning hammasi Rasululloh ﷺga ergashishni istar edi. Toki Baydoga chiqqanlarida, u zot ehromga kirib talbiya aytdilar; biz esa hajdan boshqasini niyat qilmas, umrani bilmas edik. Men oldimga, oʻngimga, chapimga va ortimga koʻz yetguncha qaradim — minganlaru piyodalar, hammasi Rasululloh ﷺga ergashishni istar edi.Жобир ибн Абдуллоҳ (розияллоҳу анҳумо)дан ривоят қилинадики, Расулуллоҳ ﷺ Мадинада тўққиз йил турдилар, ҳаж қилмадилар. Сўнг ҳажга (чиқишларини) эълон қилдилар ва: «Расулуллоҳ ﷺ ҳаж қилмоқдалар», дейилди. Шунда Мадинага кўп одам келди, уларнинг ҳаммаси Расулуллоҳ ﷺга эргашишни ва у зот қилганидек қилишни истар эди. Расулуллоҳ ﷺ чиқиб, Зул-Ҳулайфа масжидига келдилар ва унда намоз ўқидилар. Сўнг Расулуллоҳ ﷺ чиқдилар, у зот билан бирга кўп одам — мингану пиёда — йўлга тушди, уларнинг ҳаммаси Расулуллоҳ ﷺга эргашишни истар эди. Токи Байдога чиққанларида, у зот эҳромга кириб талбия айтдилар; биз эса ҳаждан бошқасини ният қилмас, умрани билмас эдик. Мен олдимга, ўнгимга, чапимга ва ортимга кўз етгунча қарадим — минганлару пиёдалар, ҳаммаси Расулуллоҳ ﷺга эргашишни истар эди.