Miqdom ibn Maʼdiykarib (roziyallohu anhu)dan, u Rasululloh ﷺ dan rivoyat qiladiki, (u zot) shunday dedilar: «Ogʻoh boʻlinglar! Darhaqiqat, menga Kitob va u bilan birga uning misli (sunnat) ham berildi. Ogʻoh boʻlinglar! Yaqinda shunday boʻladiki, qorni toʻq bir kishi oʻz oʻrindigʻiga yastanib turib: ‹Mana shu Qurʼonga (yopishinglar); unda nimani halol deb topsangiz, oʻshani halol qilinglar, unda nimani harom deb topsangiz, oʻshani harom qilinglar›, deydi. Ogʻoh boʻlinglar! Sizlarga uy (xonaki) eshagining goʻshti, har qanday oʻtkir tishli yirtqich (hayvon) hamda ahd-zimmiyning topib olingan narsasi — egasi undan beparvo boʻlmasa — halol emasdir. Kim biror qavmga (mehmon boʻlib) tushsa, ularning zimmasida uni mehmon qilish (vojib)dir. Agar ular uni mehmon qilmasalar, u (oʻz mehmondorchiligi) miqdoricha ulardan (haqini) olishga haqlidir», dedilar.Миқдом ибн Маъдийкариб (розияллоҳу анҳу)дан, у Расулуллоҳ ﷺ дан ривоят қиладики, (у зот) шундай дедилар: «Оғоҳ бўлинглар! Дарҳақиқат, менга Китоб ва у билан бирга унинг мисли (суннат) ҳам берилди. Оғоҳ бўлинглар! Яқинда шундай бўладики, қорни тўқ бир киши ўз ўриндиғига ястаниб туриб: ‹Мана шу Қуръонга (ёпишинглар); унда нимани ҳалол деб топсангиз, ўшани ҳалол қилинглар, унда нимани ҳаром деб топсангиз, ўшани ҳаром қилинглар›, дейди. Оғоҳ бўлинглар! Сизларга уй (хонаки) эшагининг гўшти, ҳар қандай ўткир тишли йиртқич (ҳайвон) ҳамда аҳд-зиммийнинг топиб олинган нарсаси — эгаси ундан бепарво бўлмаса — ҳалол эмасдир. Ким бирор қавмга (меҳмон бўлиб) тушса, уларнинг зиммасида уни меҳмон қилиш (вожиб)дир. Агар улар уни меҳмон қилмасалар, у (ўз меҳмондорчилиги) миқдорича улардан (ҳақини) олишга ҳақлидир», дедилар.