Abu Hurayra (roziyallohu anhu)dan rivoyat qilinadi: Rasululloh ﷺ: «Mendan soʻranglar», dedilar. Ammo (sahobalar) U Zotdan soʻrashga (uyalib) qoʻrqdilar. Shunda bir kishi kelib, U Zotning tizzalari yoniga oʻtirdi-da: «Ey Allohning Rasuli, Islom nima?» dedi. (Rasululloh): «Allohga hech narsani sherik qilmasliging, namozni toʻkis ado etishing, zakot berishing va Ramazon roʻzasini tutishingdir», dedilar. (U): «Rost aytding», dedi. (U): «Ey Allohning Rasuli, iymon nima?» dedi. (Rasululloh): «Allohga, Uning farishtalariga, kitobiga, (Unga) roʻbaroʻ boʻlishga, paygʻambarlariga iymon keltirishing, qayta tirilishga iymon keltirishing va qadarning barchasiga iymon keltirishingdir», dedilar. (U): «Rost aytding», dedi. (U): «Ey Allohning Rasuli, ehson nima?» dedi. (Rasululloh): «Allohdan goʻyo Uni koʻrib turgandek qoʻrqishingdir; chunki sen Uni koʻrmasang ham, U seni koʻrib turibdi», dedilar. (U): «Rost aytding», dedi. (U): «Ey Allohning Rasuli, (qiyomat) Soati qachon qoyim boʻladi?» dedi. (Rasululloh): «Bu haqida soʻralgan (kishi) soʻrovchidan koʻra bilimliroq emas; men senga uning alomatlari haqida aytaman: ayol oʻz xojasini tugʻayotganini koʻrsang — bu uning alomatlaridan; yalangoyoq, yalangʻoch, kar va soqovlar (johillar) yer yuzining podshohlari boʻlganini koʻrsang — bu uning alomatlaridan; qoʻy-echki boquvchilar bino (qurish)da bir-biridan oʻzib ketayotganini koʻrsang — bu uning alomatlaridan. (Bular) gʻaybga (oid) beshta (narsa) ichidaki, ularni Allohdan boshqa hech kim bilmaydi», dedilar. Soʻng {Albatta (qiyomat) Soati (haqidagi) ilm Allohning huzuridadir; yomgʻirni U yogʻdiradi va bachadonlardagi narsani U biladi. Hech bir jon ertaga nima kasb qilishini bilmaydi va hech bir jon qaysi yerda oʻlishini bilmaydi. Albatta Alloh Biluvchi, Ogohdir} (oyatini) oʻqidilar. (U) dedi: Soʻng u kishi oʻrnidan turdi. Rasululloh ﷺ: «Uni menga qaytaringlar», dedilar. (Uni) qidirildi, ammo topa olmadilar. Shunda Rasululloh ﷺ: «Bu Jibril edi — sizlar soʻramaganingizda, sizlarga (din)ni oʻrgatishni xohladi», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Мендан сўранглар», дедилар. Аммо (саҳобалар) У Зотдан сўрашга (уялиб) қўрқдилар. Шунда бир киши келиб, У Зотнинг тиззалари ёнига ўтирди-да: «Эй Аллоҳнинг Расули, Ислом нима?» деди. (Расулуллоҳ): «Аллоҳга ҳеч нарсани шерик қилмаслигинг, намозни тўкис адо этишинг, закот беришинг ва Рамазон рўзасини тутишингдир», дедилар. (У): «Рост айтдинг», деди. (У): «Эй Аллоҳнинг Расули, иймон нима?» деди. (Расулуллоҳ): «Аллоҳга, Унинг фаришталарига, китобига, (Унга) рўбарў бўлишга, пайғамбарларига иймон келтиришинг, қайта тирилишга иймон келтиришинг ва қадарнинг барчасига иймон келтиришингдир», дедилар. (У): «Рост айтдинг», деди. (У): «Эй Аллоҳнинг Расули, эҳсон нима?» деди. (Расулуллоҳ): «Аллоҳдан гўё Уни кўриб тургандек қўрқишингдир; чунки сен Уни кўрмасанг ҳам, У сени кўриб турибди», дедилар. (У): «Рост айтдинг», деди. (У): «Эй Аллоҳнинг Расули, (қиёмат) Соати қачон қойим бўлади?» деди. (Расулуллоҳ): «Бу ҳақида сўралган (киши) сўровчидан кўра билимлироқ эмас; мен сенга унинг аломатлари ҳақида айтаман: аёл ўз хожасини туғаётганини кўрсанг — бу унинг аломатларидан; ялангоёқ, яланғоч, кар ва соқовлар (жоҳиллар) ер юзининг подшоҳлари бўлганини кўрсанг — бу унинг аломатларидан; қўй-эчки боқувчилар бино (қуриш)да бир-биридан ўзиб кетаётганини кўрсанг — бу унинг аломатларидан. (Булар) ғайбга (оид) бешта (нарса) ичидаки, уларни Аллоҳдан бошқа ҳеч ким билмайди», дедилар. Сўнг {Албатта (қиёмат) Соати (ҳақидаги) илм Аллоҳнинг ҳузуридадир; ёмғирни У ёғдиради ва бачадонлардаги нарсани У билади. Ҳеч бир жон эртага нима касб қилишини билмайди ва ҳеч бир жон қайси ерда ўлишини билмайди. Албатта Аллоҳ Билувчи, Огоҳдир} (оятини) ўқидилар. (У) деди: Сўнг у киши ўрнидан турди. Расулуллоҳ ﷺ: «Уни менга қайтаринглар», дедилар. (Уни) қидирилди, аммо топа олмадилар. Шунда Расулуллоҳ ﷺ: «Бу Жибрил эди — сизлар сўрамаганингизда, сизларга (дин)ни ўргатишни хоҳлади», дедилар.