Addoʼ ibn Xolid ibn Havza (roziyallohu anhu)dan rivoyat qilinadi: U: «Rasululloh ﷺ men uchun yozib bergan bir maktubni senga oʻqib bermayinmi?», dedi. Men: «Albatta», dedim. Shunda u menga bir maktubni chiqardi (va unda shunday yozilgan edi): «Bu — Addoʼ ibn Xolid ibn Havza Allohning Rasuli Muhammad ﷺdan sotib olgan narsadir. U undan bir qul yoki bir choʻrini sotib oldi — unda na (yashirin) kasallik, na qochoqlik, na fasod bordir. Bu musulmonning musulmonga (halol) savdosidir». Abu Iso aytdi: Bu hadis hasan gʻaribdir. Biz uni faqat Abbod ibn Lays hadisidan bilamiz, hadis ahlidan bir nechtasi bu hadisni undan rivoyat qilgan.Аддў ибн Холид ибн Ҳавза (розияллоҳу анҳу)дан ривоят қилинади: У: «Расулуллоҳ ﷺ мен учун ёзиб берган бир мактубни сенга ўқиб бермайинми?», деди. Мен: «Албатта», дедим. Шунда у менга бир мактубни чиқарди (ва унда шундай ёзилган эди): «Бу — Аддў ибн Холид ибн Ҳавза Аллоҳнинг Расули Муҳаммад ﷺдан сотиб олган нарсадир. У ундан бир қул ёки бир чўрини сотиб олди — унда на (яширин) касаллик, на қочоқлик, на фасод бордир. Бу мусулмоннинг мусулмонга (ҳалол) савдосидир». Абу Исо айтди: Бу ҳадис ҳасан ғарибдир. Биз уни фақат Аббод ибн Лайс ҳадисидан биламиз, ҳадис аҳлидан бир нечтаси бу ҳадисни ундан ривоят қилган.