Samura ibn Jundab (roziyallohu anhu)dan rivoyat qilinadiki, Nabiy ﷺ: «Biringiz chorva (poda) oldiga kelsa, agar uning egasi (oldida) boʻlsa, undan ruxsat soʻrasin. Agar u ruxsat bersa, sogʻib ichsin, (lekin) olib ketmasin. Agar u yerda hech kim boʻlmasa, uch marta tovush bersin (chaqirsin). Agar kimdir javob bersa, undan ruxsat soʻrasin. Agar hech kim javob bermasa, sogʻib ichsin, (lekin) olib ketmasin», dedilar. (Abu Iso) aytdi: Bu bobda Umar va Abu Saiddan ham (rivoyatlar) bor. Abu Iso aytdi: Samura hadisi hasan gʻaribdir. Baʼzi ilm ahli nazdida amal shu (hadis) boʻyichadir, Ahmad va Ishoq ham shuni aytadilar. Abu Iso aytdi: Ali ibn al-Madiniy: «Hasanning Samuradan eshitgani sahihdir», degan. Baʼzi hadis ahli esa Hasanning Samuradan qilgan rivoyati haqida gapirib: «U faqat Samuraning sahifasidan rivoyat qiladi (xolos)», deganlar.Самура ибн Жундаб (розияллоҳу анҳу)дан ривоят қилинадики, Набий ﷺ: «Бирингиз чорва (пода) олдига келса, агар унинг эгаси (олдида) бўлса, ундан рухсат сўрасин. Агар у рухсат берса, соғиб ичсин, (лекин) олиб кетмасин. Агар у ерда ҳеч ким бўлмаса, уч марта товуш берсин (чақирсин). Агар кимдир жавоб берса, ундан рухсат сўрасин. Агар ҳеч ким жавоб бермаса, соғиб ичсин, (лекин) олиб кетмасин», дедилар. (Абу Исо) айтди: Бу бобда Умар ва Абу Саиддан ҳам (ривоятлар) бор. Абу Исо айтди: Самура ҳадиси ҳасан ғарибдир. Баъзи илм аҳли наздида амал шу (ҳадис) бўйичадир, Аҳмад ва Ишоқ ҳам шуни айтадилар. Абу Исо айтди: Али ибн ал-Мадиний: «Ҳасаннинг Самурадан эшитгани саҳиҳдир», деган. Баъзи ҳадис аҳли эса Ҳасаннинг Самурадан қилган ривояти ҳақида гапириб: «У фақат Самуранинг саҳифасидан ривоят қилади (холос)», деганлар.