Amr ibn Shuayb otasidan, u esa bobosidan rivoyat qilib aytdi: Nabiy ﷺ otasi vafot etgandan keyin oʻziga nisbat berilgan, vorislari uni oʻzlaridan biri deb daʼvo qilgan har bir kishi haqida shunday hukm qildilarki: agar u (ota) jimo qilgan kunida oʻz mulkidagi choʻridan boʻlgan bola boʻlsa, u oʻzini (nasabga) biriktirib olganlarga qoʻshiladi, lekin undan oldin taqsimlangan merosdan unga hech narsa tegmaydi; ammo hali taqsimlanmagan merosga yetishgan boʻlsa, undan oʻz ulushiga ega boʻladi. Agar oʻziga nisbat berilayotgan otasi uni inkor qilgan boʻlsa, u (nasabga) qoʻshilmaydi. Agar u oʻz mulki boʻlmagan choʻridan yoki zino qilingan ozod ayoldan boʻlgan boʻlsa, u (otaga) qoʻshilmaydi va merosga ega boʻlmaydi, garchi oʻziga nisbat berilayotgan kishi uni daʼvo qilgan boʻlsa ham. Zero, u ozod ayoldan boʻladimi yoki choʻridan, zinodan boʻlgan boladir.Амр ибн Шуайб отасидан, у эса бобосидан ривоят қилиб айтди: Набий ﷺ отаси вафот этгандан кейин ўзига нисбат берилган, ворислари уни ўзларидан бири деб даъво қилган ҳар бир киши ҳақида шундай ҳукм қилдиларки: агар у (ота) жимо қилган кунида ўз мулкидаги чўридан бўлган бола бўлса, у ўзини (насабга) бириктириб олганларга қўшилади, лекин ундан олдин тақсимланган меросдан унга ҳеч нарса тегмайди; аммо ҳали тақсимланмаган меросга етишган бўлса, ундан ўз улушига эга бўлади. Агар ўзига нисбат берилаётган отаси уни инкор қилган бўлса, у (насабга) қўшилмайди. Агар у ўз мулки бўлмаган чўридан ёки зино қилинган озод аёлдан бўлган бўлса, у (отага) қўшилмайди ва меросга эга бўлмайди, гарчи ўзига нисбат берилаётган киши уни даъво қилган бўлса ҳам. Зеро, у озод аёлдан бўладими ёки чўридан, зинодан бўлган боладир.