Suroqa ibn Molik ibn Juʼshum (roziyallohu anhu)dan rivoyat qilinadi: «Men Rasululloh ﷺni otani oʻgʻli (uchun) qasos qildirib, oʻgʻilni otasi (uchun) qasos qildirmagani holida koʻrdim», dedi. Abu Iso aytdi: Bu hadisni biz Suroqaning hadisidan faqat shu vajh orqaligina bilamiz, uning isnodi sahih emas. Uni Ismoil ibn Ayyosh al-Musanno ibn as-Sabbohdan rivoyat qilgan. Al-Musanno ibn as-Sabboh esa hadisda zaif sanaladi. Bu hadisni Abu Xolid al-Ahmar ham Hajjoj ibn Artotdan, u Amr ibn Shuaybdan, u otasidan, u bobosidan, u Umardan, u Paygʻambar ﷺdan rivoyat qilgan. Bu hadis Amr ibn Shuaybdan mursal holida ham rivoyat qilingan. Bu hadisda izitirob (chalkashlik) bor. Ahli ilm huzurida amal mana shunga koʻradir: ota oʻgʻlini oʻldirsa, uning (uchun) oʻldirilmaydi, oʻgʻlini qazf qilsa (zino bilan ayblasa), unga had (jazosi) berilmaydi.Суроқа ибн Молик ибн Жуъшум (розияллоҳу анҳу)дан ривоят қилинади: «Мен Расулуллоҳ ﷺни отани ўғли (учун) қасос қилдириб, ўғилни отаси (учун) қасос қилдирмагани ҳолида кўрдим», деди. Абу Исо айтди: Бу ҳадисни биз Суроқанинг ҳадисидан фақат шу важҳ орқалигина биламиз, унинг исноди саҳиҳ эмас. Уни Исмоил ибн Айёш ал-Мусанно ибн ас-Саббоҳдан ривоят қилган. Ал-Мусанно ибн ас-Саббоҳ эса ҳадисда заиф саналади. Бу ҳадисни Абу Холид ал-Аҳмар ҳам Ҳажжож ибн Артотдан, у Амр ибн Шуайбдан, у отасидан, у бобосидан, у Умардан, у Пайғамбар ﷺдан ривоят қилган. Бу ҳадис Амр ибн Шуайбдан мурсал ҳолида ҳам ривоят қилинган. Бу ҳадисда изитироб (чалкашлик) бор. Аҳли илм ҳузурида амал мана шунга кўрадир: ота ўғлини ўлдирса, унинг (учун) ўлдирилмайди, ўғлини қазф қилса (зино билан айбласа), унга ҳад (жазоси) берилмайди.