Qatoda (rahimahulloh)dan rivoyat qilinadi: Alloh taolo bu yulduzlarni uch narsa uchun yaratdi: ularni osmon uchun ziynat qildi, shaytonlarga otiladigan narsalar qildi va odamlar yoʻl topadigan alomatlar qildi. Kim ularni bundan boshqasiga taʼvil qilsa, xatoga yoʻl qoʻydi, oʻz nasibasini zoye qildi va oʻzi bilmagan narsaga urindi. Buxoriy taʼliq tarzida rivoyat qilgan. Razin rivoyatida: «oʻziga aloqasi yoʻq, bilimi boʻlmagan va paygʻambarlar hamda farishtalar ham bilishdan ojiz boʻlgan narsaga urindi», deyilgan. Rabiʼdan ham shunga oʻxshash rivoyat qilinib, unda shu ziyoda bor: Allohga qasamki, Alloh biror yulduzda hech kimning hayotini, rizqini yoki oʻlimini qilib qoʻymagan. Ular Allohga yolgʻon toʻqishadi va yulduzlar bilan bahona qilishadi.Қатода (раҳимаҳуллоҳ)дан ривоят қилинади: Аллоҳ таоло бу юлдузларни уч нарса учун яратди: уларни осмон учун зийнат қилди, шайтонларга отиладиган нарсалар қилди ва одамлар йўл топадиган аломатлар қилди. Ким уларни бундан бошқасига таъвил қилса, хатога йўл қўйди, ўз насибасини зое қилди ва ўзи билмаган нарсага уринди. Бухорий таълиқ тарзида ривоят қилган. Разин ривоятида: «ўзига алоқаси йўқ, билими бўлмаган ва пайғамбарлар ҳамда фаришталар ҳам билишдан ожиз бўлган нарсага уринди», дейилган. Рабиъдан ҳам шунга ўхшаш ривоят қилиниб, унда шу зиёда бор: Аллоҳга қасамки, Аллоҳ бирор юлдузда ҳеч кимнинг ҳаётини, ризқини ёки ўлимини қилиб қўймаган. Улар Аллоҳга ёлғон тўқишади ва юлдузлар билан баҳона қилишади.