Abu Said al-Xudriy (roziyallohu anhu)dan rivoyat qilinadi: U: «Biz Paygʻambarimizdan keyin biror (yomon) hodisa boʻlishidan qoʻrqib, Allohning Paygʻambari ﷺdan soʻradik. Shunda u zot: ‹Albatta, ummatimda Mahdiy boʻladi, u chiqadi va besh, yoki yetti, yoxud toʻqqiz (yil) yashaydi›, dedilar», — shubha qilgan Zayd edi. «Biz: ‹Bu nima (yil)?› dedik. U zot: ‹Yillar›, dedilar. (Yana) u zot: ‹Unga bir kishi kelib: ‹Ey Mahdiy, menga ber, menga ber!› deydi. Shunda u (Mahdiy) o (kishi)ning kiyimiga koʻtara oladigan miqdorda (mol) toʻkib beradi›, dedilar», dedi. Abu Iso aytdi: Bu hadis hasandir va u Abu Saiddan, Nabiy ﷺdan boshqa yoʻllar bilan ham rivoyat qilingan. Abu Siddiq an-Nojiyning ismi Bakr ibn Amr, unga Bakr ibn Qays ham deyiladi.Абу Саид ал-Худрий (розияллоҳу анҳу)дан ривоят қилинади: У: «Биз Пайғамбаримиздан кейин бирор (ёмон) ҳодиса бўлишидан қўрқиб, Аллоҳнинг Пайғамбари ﷺдан сўрадик. Шунда у зот: ‹Албатта, умматимда Маҳдий бўлади, у чиқади ва беш, ёки етти, ёхуд тўққиз (йил) яшайди›, дедилар», — шубҳа қилган Зайд эди. «Биз: ‹Бу нима (йил)?› дедик. У зот: ‹Йиллар›, дедилар. (Яна) у зот: ‹Унга бир киши келиб: ‹Эй Маҳдий, менга бер, менга бер!› дейди. Шунда у (Маҳдий) о (киши)нинг кийимига кўтара оладиган миқдорда (мол) тўкиб беради›, дедилар», деди. Абу Исо айтди: Бу ҳадис ҳасандир ва у Абу Саиддан, Набий ﷺдан бошқа йўллар билан ҳам ривоят қилинган. Абу Сиддиқ ан-Ножийнинг исми Бакр ибн Амр, унга Бакр ибн Қайс ҳам дейилади.